पत्रांक २७                                                                                                         

                                                                                      श्री                                                        वैशाख शु. ९।१७१८(?)                                                                                                   
राजश्रिया विराजित राजमान्य राजश्री गोविंदराव तात्या स्वामीचे सेवेसी
पोष्य बाळाजी जनार्दन साष्टांग नमस्कार विनंति उपरि येथील कुशल ता। छ ७ जिलकाद पावतें। वर्तमान यथास्थित असे विशेष किल्ले पुरंदर दगा करून जुन्यालोकानीं वैशाख शुद्ध षष्टीस घेतला हवालदार व सरनोबत व येकदोन कारकून वगैरे दहाबारा माणूस किल्यावरील ठार पडलें राजश्री धोंडोबा आप्पाकडील विसाजीपंत कबिलेसुद्धां जुन्यालोकांबराबर वरता गेला यांत काय गारूड आहे हें समजत नाहीं तिकडील वर्तमान विशेष असेल तें जरूर लिहून पाठवावें बहुत काय लिहिणें लोभ असो द्यावा हे विनंति^*

                                                                                               पत्रांक २६                                                                                                         

                                                                                      श्री                                                        कार्तिक शु।। ६ श. १६९२                                                                                                  
अखंडितलक्ष्मीअलंकृत राजमान्य राजश्री त्रिंबक रघुनाथ कमाविसदार को तळेगांव ता। पाबळ प्रांत जुन्नर गोसावी यांसि
सेवक माधवराव बल्लाळ प्रधान नमस्कार सु।। इहिदे सबैन मया व अलफ कसबें मजकूर येथील कुरण भीमेचे न्याहारचे बचंकुलीसुद्धां राजश्री गोविंद शिवराम यांजकडे गैरसनदी होते म्हणोन पेशजी दूर करून तुम्हांकडे दिल्हें होतें तें हालीं तुम्हांकडून दूर करून मशारनिलेकडे करार करून हे सनद तुम्हांस सादर केली असे तरी सदरहू कुरण मशारनिलेचे स्वाधीन करणे जाणिजे छ ४ रजब आज्ञाप्रमाण

                                                                                               पत्रांक २५                                                                                                         

                                                                                      श्री                                                        पौष वा। ७ शके १६९९                                                                                                                                                                                            

                                                                             

आज्ञापत्र राजश्री पंतप्रधान तो मोकदम मौजे पाटेठाण र्ता सांडस प्रांत पुणे सु।। समान सबैन मया व अलफ मौजे मजकूर येथील अंमल राजश्री रामचंद्र नारायण यांजकडे होता तो दूर करून सालमजकुरापासून राजश्री नीलकंठराव गोविंद यांस तैनातेंत करार करून दिल्हा असे तरी मा।रनिले यांस रुजू होऊन अमल सुरळीत देणें जाणिजे छ २० जिल्हेज आज्ञाप्रमाण

                                                                                                                            

                                                                                               पत्रांक २४                                                                                                         

                                                                                      श्री                                                                                                                                                                                                          
राजश्रीया दस्तक सरकार राजश्री पंतप्रधान तां कमाविसदारांन व चौकीदारान व रहदारान व बाजेलोकान व जकाती मा। निहाय सा। इहिद्दे मया तैन व अलफ राजश्री गोविंदराव नीलकंठ यांचे तेल व तूप जोड्या सुमार २० वीस हरएक जागांतून खरिदी करून पुण्यास आणितील त्यास आणूं देणें जकातीचा तगादा न करणे जाणजे छ १७ मोहरम आज्ञार्थ जाण


                                                                       

                                                                                               पत्रांक २३                                                                                                         

                                                                                      श्री                                                   पौष वा। १४ शके १६८६                                                                                                                                                       
राजश्रीया विराजित राजमान्य राजश्री परशराम रामचंद्र स्वामी गोसावी यांसि पोष्य माधवराव बल्लाळ प्रधान नमस्कार विनंति उपरि येथील कुशल जाणून स्वकीयें कुशल लिहीत जाणें विशेष मौजे हिपरगें पा। जमखंडी हा गांव तुम्हांकडून दूर करून सालमजकुरापासून राजश्री गोविंद शिवराम यांच्या स्वारास सरंजाम करार करून देऊन हे सनद तुम्हास सादर केली आहे तरी मौजेमजकुर ठाणेंसुद्धां मशारनिलेकडील कमाविसदाराचे हवालीं करून पावल्याचे कबज घेणें जाणिजे छ २१ रजब सु।। खमस सितेन मया व अलफ बहुत काय लिहिणे हे विनंति


बार

                                                                                                पत्रांक २२                                                                                                         

पो छ ८ जिल्काद                                                            श्रीशंकर                                                                                                                                                                                    

राजश्री गोविंदराव तात्या स्वामीचे सेवेसी
पोष्य विश्वासराव त्रिंबक नमस्कार विनंति उपरि श्रीमंत राजश्री रावसाहेबांकडून पत्रें आलीं त्यांत तुमचें नावचीं होतीं तीं व धाकटे नानाचें पत्र पुरवणीसुद्धां येकूण पांच पत्रें तुम्हांकडे पाठविलीं आहेत त्यांची उत्तरें आम्हांकडेस च पाठऊन द्यावीं आमचे लाखोट्यांत च सारीं पत्रें होतीं यास्तव येथें येक च लाखोटा करून सरकारचा खिजमतगार आला आहे त्या समागमें रवाना करूं उत्तर जलदीनें पाठवावें बहुत काय लिहिणें श्रीमंत चावडसेस कधीं येणार तुम्हीं समागमें चे याल किंवा मागाहून येणें होईल हें लिहून पाठवावें हे विनंति

                                                                                                पत्रांक २१                                                                                                         

                                                                                  श्रीशंकर                                                                                                                                                                                    
राजश्री गोविंदराव तात्या खामीचे सेवेसी
विनंति उपरि राजश्री गोपाळरावाकडील पत्रें घेऊन जासूदजोडी आली आम्हीं आपलें पत्र घेतलें बाकी सा लाखोटे तुम्हांकडे पा। व जासूदजोडी हि पा। आहे पत्राकरून सर्व मजकूर कळेल तुम्हीं भोजन करून जरूर नाशकास येणें तुम्ही आम्ही बरोबर च येथून चावडसेस जाऊं जातानां काल रामचंद्रपंत गोरे जागा सांगत होते ते हि पाहून जाऊं त्यांस हि बा। जरूर घेऊन यावें माहादाजी गोविंद यांचे पुत्र व भास्करपंत यांस आम्हीं बलाऊ पा। होते त्यास ते प्रातःकाळीं च श्रीमंतांकडे गेले याउपर आम्ही हि भोजन करून चावडसेस येणार तुम्हीं आल्यास तुम्ही आम्ही व रामचंद्रपंत गोरे व मल्हारी ससाणा ऐसे लागली च जागा कोटितीर्थाजवळची हि जातानां पाहून जाऊं म्हणजे लौकर स्थलनिश्चय जाल्यानें सोई पाहून तेथें बंगला वगैरे करणें तें करतील यास्तव रामचंद्रपंतास घेउन तुम्हीं आज उघाड आहे यास्तव जरूर लौकर यावें तुमची मार्गप्रतीक्षा दोनप्रहरपर्यंत करितों तुम्हीं पुढे माणूस पा। तरी आम्ही इकडून येऊं ठिकाणी गाठ पडेल हे विनंति

                                                                                               पत्रांक २०                                                                                                         

                                                                                      श्री                                                      माघ वा। ६ श. १६९९.                                                                                                                                   

आज्ञापत्र राजश्री पंतप्रधान तां। मोकदम मौजे पाटेठाण र्ता। सांडस प्रांत पुणें सु।। समान सबैन मया व अलफ मौजे मा।र हा गांव सालमजकुरापासून राजश्री नीलकंठराव गोविंद यांस तैनातेंत करार करून दिल्हा असे तरी मा।रनिलेसी रुजू होऊन अंमल सुरळीत देत जाणें जाणिजे

छ १८ मोहरम पा। हुजुर  

                                                                                                       

                                                                                          बार

                                                                                               पत्रांक १९                                                                                                         

                                                                                     श्री                                                      भाद्रपद वा। १२ शके १७२१                                                                                                                                    
दस्तक राजश्री रामचंद्र शिवाजी ता। चौकीदारान व रहदारान व बाजेलोकान व जकातीमहालान व नावाडीपेठेकरीयान व मोकदमान देहाय सु।। मया तैन व अलफ राजश्री गोविंदराव नीलकंठ यांची पागा किल्लेसोलापुरीं चारणीस आहे त्यापैकीं घोड्या तीन व तट्टें चार एकूण रास ७ सात पुण्यास जात आहेत समागमें राणू खासबारदार व पोर्गे वगैरे माणसें आहेत हीं जातील त्यांस मार्गी जकातीविशीं वगैरे हरएकविशीं उपसर्ग न करितां जाऊं देणें वस्तीस राहातील तेथें चौकीपहारा करून नदी नाला वगैरे आपलाली हद्द पार करून देत जाणें जाणिजे छ २५ रविलाखर मोर्तबसुद


                                                                 
                      

                                                                                               पत्रांक १८                                                    

                                                                                     श्री                                                                                                                                      

राजश्रिया विराजित राजमान्य राजश्री तात्या स्वामीं गोसावी यांसि
पोष्य त्रिंबक सदाशिव कृतानेक नमस्कार विनंति उपर येथील कुशल जाणून स्वकीयें कुशल लेखन केले पाहिजे विशेष तुमचीं पत्रें दोन तीन आलीं सविस्तर अवगत होऊन बहुत आनंद जाहला तेथील प्रकार सर्व लिहिले ते कळले तुमचें पत्र च श्रीमंतांस गाठून एकांतीं वाचून दाखविलें उत्तर कसें लिहूं म्हणून विनंति केली उत्तर केलें नाहीं तात्या या मर्जीचे प्रकार कसे सांगावे प्रसन्नता चित्त एकंदर नाहीं चिरंचीव बजू येथें आहे त्यासी कधीं बोलावावें हा प्रकार नाहीं मग जेवणखाणाची सय जाणत च आहां याप्रकारें आम्हांसी चौपाचा रोजा सहजांत उगे च स्मरण जाहालें तरी बोलावितात किंवा स्वारीत चालते वेळेस जवळ बोलावितात कारभाराची गोष्ट मनसबा विचार पुसत नाहींत सांगत नाहींत आम्हीं मध्यें असें करीत होतों कीं न बोलावितां जावें बोलावें वर्तमान सांगावें कांहीं पुसावें असें महिना दोन महिने केले परंतु मळमळित प्रकार च दिसूं लागला चांगले आर्त धरून बोलावें सांगावें हें नाहीं याचवरून चित्त उदास राहातें जुंजाचे दिवशीं मेहनत पुढें होऊन करावयाची ते केली सखाराम च होते त्यांस सोडलें नाहीं गोळ्याचा मार व गोळीचा मार खाऊन उभे होतों असो कोण पुसतो आहे. रायापाशीं आम्ही जातों येतों याजवरून सकारनामकांनीं वाईट मानलें चर्चा हि केली आम्हांसी ठीक नाहींत आमचें काम येथें आलियावर मुतालकीच्या वर्षासनाच्या चिठ्यामात्र दिल्ह्या व शिरवळचें कुरण चार दिवस आमचीं कुरणें सुटत तोंवर दिल्हें आहे वरकड कामकाज तिकडे आलियावर होईल हा आशिर्वाद आहे दुसरें एक काम तुम्हीं शहरचे तळावर रायास हटकलें होतें पुण्यास गेल्यावर करून देईन म्हटलें होतें तें मात्र जाहालें नीट समजा उलगडून पत्रीं लिहितां नये तुम्हांकडे तीन चार पत्रें आमचीं गेलीं पावलीं न पावलीं हे ल्याहावें म्हणजे संशय दूर होतील सौभाग्यवतीस तेथें आणिलीत पांड्स आणलें उत्तम केलेंत श्रीमंतांनीं उत्तर लिहिलें आहे त्याजवरून कळेल आम्हांस सांगितलें कीं तुम्हीं तात्यास ल्याहा कीं तुमचेविशीं दुसरा प्रकार नाहीं सविस्तर लिहित जाणें तीर्थरूपांची मर्जी राखीत जाणें असें ल्याहावें म्हणून सांगितलें ती चिटी च तुम्हांकडे पाठविली आहे आबाकडील मजकूर तरीं नारो आप्पाजी कृष्णराव पारसनीस यांचे विद्यमानचा करार आहे की घेतला वसूल द्यावा त्यांत पुरंदरचे खंडणीचे पट्टीचे रु।। बारा हजार आम्हीं द्यावे असें करारांत असतां लटकें बोलून निघून गेले गतवर्षीचे व यंदाचें वर्ष दोन वर्षांचा वसूल घेतला आहे चौघांनी सांगावें तें ऐकावें हा करारमदार असतां असें लटकें बोलावें तमाम गांव लुटलें गवतें नेलीं कापलीं दाणे नेले नेत च आहेत सर्व मृषा कारभार जेव्हां श्रीमंत दादास चित्तांत आमचे ठाई कृपा येईल तेव्हां ध्यानांत येईल मग होणे तें होईल नाहीं तर कांहीं होत नाहीं लबाडी किती सोसावी तिकडे आल्यावर होणें तें होऊं तुम्हीं हा मजकूर दादासीं बोलावयाचें जाहालें तर बोलावा हे विनंति रा। वैशाख शुद्ध पूर्णिमा मु।। रटेहळ्ळी प्रांत सावनूर हैदरनाईक मायनेहाळ्ळीस झाडींत गेला श्रीमंत फौजा सड्या करून भोवताले जाणार छावणी होईल कीं काय कळेना लष्करांत महागाई फार आहे निजामअल्ली कृष्णातीरास येणार असें वर्तमान आहे हे विनंति