सु ॥ इसने अशरीन मया व अलफ, सन ११३१ फसली,
अवल साल छ ८ साबान, २६ मे १७२१,
वैशाख शुध्द ९ शके १६४३.

महादाजी अंबाजी यास पोतनिशी सांगितली, छ ८ सवाल (२४ जुलै १७२१). छ १२ जिलकाद रोजीं (२६ आगस्ट १७२१) विजापुराहून निघून छ १४ जिलकाद रोजी (२८ आगस्ट १७२१) साता-यास परत आले. छ २० मोहरम रोजी (३१ अक्टोबर १७२१) साता-याहून निघून छ २१ माहे मजकुरीं (१ नोव्हेंबर १७२१) पिंपरीस आले. छ २८ सफरऊर्फ मार्गशीर्ष वद्य १३ सह १४ मु ॥ सातें त ॥ नाणेमावळ येथे बाजीरावासाहेब पेशवे यांस पुत्र नानासो ॥ ऊर्फ बाळाजी बाजीराव झाला. घटी ४१ पळें ५२ जेष्ठा नक्षत्र, प्रथम चरण लग्नकुंडली खाली लिहिली आहे. खासा स्वारी पुरंदरपर्यंत जाऊन तेथें भडभुंज्या मोंगल जंगी सामान घेऊन आला होता. त्याशीं लढाई करून त्याचा पराजय करून त्यास लुटले. मुलखास कौल दिल्या प्रे ॥ चालून या सालीं भुजंगशेठ जेष्ठ राशीनकर, व दर्यापा अदलकर व बाळापा जदवे वाणी यांस कौल देऊन आणविलें. पुण्यास अमदानी करण्याचे कारभारावर संभाजी जाधव यास मागें ठेविलें होतें. करीम बेग याशी युध्द ^१८ जुन्नर मुक्कामीं झालें. 

नानासाहेब यांची जन्मकुंडली :-