तदनु विविधविद्याविशारदा: शारदानरविप्रहायनग्र हगणगणनानिपुणा
विष्णुज्योतिर्विदो प्येव मवादिषु: ।
अजनि रजनिमध्ये मंडलं चंडभानो
र्जलनिधिमथनात्थं कौस्तुभं संदधाने ॥
सजलजलदनीले वक्षसा वासुदेवे
असुरसुरमुनींद्रै र्ज्ञात मित्थं तदानीं ॥२०६॥
विरहविकलराधा हंत बाधाधिका यत्
पिहितमपि सखीभि र्मंदिरं चंद्रबिंबं ॥
गदितमिति गवाक्षात्तत्तथा वीक्ष्य साक्षा -
दजनि रजनिमध्ये मंडलं चंडभानो: ॥२०७॥
तदनु चाउरकरोपनामान: पंडितवरिष्ठा रघुनाथभट्टा: स्पष्टतरमेवमुदीरयांचक्र: ।
॥ शरजन्मा षडानन: ॥
अन्नपूर्णे तव स्तन्यं मन्ये षड्समिश्रितं ॥
पृथगास्वादितुं जात: शरजन्मा पडानन: ॥२०८॥
युगपच्छास्त्रषटंकं मे पुत्रोयं पठतामिति ॥
सर्वाज्ञेन कृतो मन्ये शरजन्मा षडानन: ॥२०९॥
तत: शाहराजजलधरवर्षप्रसरानुसरणचतुरा विश्वनाथभट्टढोकेकरमयूरा: केकामेका
मुच्चतरारावमधुरमिद-मुच्चारयांचक्रु:।
॥ अंभोधि र्जलधि: पयोधि रुदधि र्वारांनिधि र्वारिधि: ॥
श्रीमन् मालनृपालनंदनमहादेवैकभक्त त्वया
चक्रे यच्छिखरे निरंबुकुहरे पीयूषतोयं सर: ॥
तददृष्टवा तृषित: स यात्रिकजन: सानंदमित्युक्तवान्
अंभोधि र्जलधि: पयोधि रुदधि र्वारांनिधि र्वारिधि: ॥२१०॥