तत: श्रोत्रियकुलवरिष्ठा नीलकंठभट्टा: पुराणवाचका श्चैवमूचु: ।
॥ विक्रीते करिणि किमंकुशे विवाद: ॥
भूभारं हरसि निरंतरं परं तु चित्तं मे यदणुमितं कुतो जहासि ।
नोहेयं बिरुदमिदं हरेति गीतं विक्रीते करिणि किमंकुशे विवाद: ॥२११॥
तदनु कविजनमानसाहूलादका: प्रहूलादसरस्वत्युपनामान: कवय: कथयांचक्रु: ।
॥ गतागतै रेव गता त्रियामा ॥
रामायणं वा श्रवणेन पेयं रामायने वा नयनं विधेयं ॥
इत्यर्धवृध्दस्य जनस्य वृत्ते र्गतागतै रेव गता त्रियामा ॥२१२॥
तदनु संगीतरससरसीरुहभ्रमरा वीरेशरभट्टचतुरा श्चैवमूचु: ।
॥ कर्पूरेण स्थगयति कुचौ शीतभीता मृगाक्षी ॥
पूर्वं धर्मे दिनकरकराक्रांतदेहा सती या ।
सद्य: शैत्यं परिकलयता ज्ञातपूर्वेण तूर्ण ॥
हेमंते सा मदनदहनस्वांतदग्धापि मुग्धा ।
कर्पूरेण स्थगयति कुचौ शीतभीता मृगाक्षी ॥२१३॥
तदनु शास्त्रसल्लकीकाननगजानना; पल्लकचेरीपुरवासिन: अक्कय्यशास्त्रिण: केवलं
कैवल्यमेवोल्लासयामासु: ।
॥ अद्राक्षं शिवमर्जुनद्रुमतले रुद्राक्षभूषं मह: ॥
चंद्रांदित्यहुताशनेत्र मनिशं तंद्राविहीनं स्फुरद्
मुद्रां कामपि विद्रुमद्रवतले भद्रां कराब्जे दधत्
अप्राक्षं यदहं तदेव विधिवद् विप्रां श्च योगेशरान्
अद्राक्षं शिव मर्जुनद्रुमतले रुद्राक्षभूषं मह: ॥२१४॥