या प्रीति र्जायते शाह मुखचंद्रं निरीक्ष्य ते ॥
पश्येतं चेन्न सा प्रीति: शतचंद्रं नभस्तलं ॥२०२॥
समनंतरं पुरोहितधुरंधरै र्धिषणाधिकबुद्धिविशारदै र्मलारिभट्टै रप्येका समस्या
व्यतारि ।

॥ जंबूवद् जलबिंदुवद् जलजवद् जंबालवद् जालवत् ॥
आकाशं कुलिशायुधोपलनिभं तारा श्च हाराकृती:।
चंद्रं शाहनृपातपत्रधवलं चिह्नं तम:श्यामलं ॥
ज्योत्स्ना चंदनपांडुरा च सुहृदा x x दिवोत्प्रेक्षये
जंबूवद् जलबिंदुवद् जलजवद्जंबालवद् जालवद् जालवद् ॥२०३॥
तदनु धीसचिवधुरीणै र्नारोपंडितदीक्षितै: क्षणमुद्वीक्ष्योजृंभणांगभंगीसंगमप्रसंगवशात् ॥
॥ वाराणसीनगरनाथ किमाचरामि ॥
इति वदनारविंदान् मकरबिंदव इव वर्णा: कविकर्णाभरणतां नीता: तामेव समस्येति ।
स कवि: पूरयामास ।
सत्कर्मधर्मनखदानदयासुशील -
वेदान्तशास्त्रपरिशीलनपंडितेन ॥
चांडालकोपि समतां भजतेंतकाले
वाराणसीनगरनाथ किमाचरामि ॥२०४॥
समनंतरं नरहरिकवीश्वरवरेण श्लोकार्द्धमेव मपाठि ।
बल्लवीरचणयो रभिसारे पल्लवीयति भुजंगमभोग: ॥
आलि याहि न विचारय राधे कालियाहिदमनस्य समीपं ॥
बल्लवीरचरणयो रभिसारे पल्लवीयति भुजंगमभोग: ॥२०५॥