मानो मुहूर्तमपि चेष्टति यस्या: स्मरेण सा शास्या ॥
इति दर्शयितुं त्रासं त्रास इवासौ कृत श्चंद्र: ॥१८१॥
सुधाधरं पार्वण मानिरीक्ष्य वितर्कयंते विबुधा मुधैव ॥
सुरासुरै: क्षीरनिधिं विमथ्य निष्कासितोसौ नवनीतगोल: ॥१८२॥
हिमकरो नु सुधांबरशोधने कलश एष निशाकलित: किल ॥
तदवशिष्टजलं सलघूपलं चलित मभ्रनदीभकुलछलात् ॥१८३॥
मकरमीनयुगं नु सुधारुचौ समुपयुज्य सुकुंभरथे स्थित: ॥
तरति शंभुजयाय नभोंबुधौ मनसिजो न परं मृगलांछन: ॥१८४॥

एवमुत्प्रेक्षित स्तत्र राधामुखसाम्यतिरस्कृतोपि तस्या एव पदनखमुखसाम्यमपि मामुपयात्विति चंद्र श्चांद्रायणनिवारभमाण: कायोपेक्षया बहुलपक्षक्षपाक्षपितशरीर: क्षणेक्षणे क्षामतरलक्ष: समजायत ॥ तस्योदरकुहरादिव बहिर्निर्गतेन पिंडीभूतेन कलंकेन राधाकचनिचयशोभाभिभूततारोषेण तस्या एव दृष्टि-निरोध माधातुमिव जगदंडकरंडपिचंडलंघनजंघलाभि ध्वांतधाराभि: आपादिताद्वैते जगति राधाधरबिंबतेजोनिर्जित एव दिगंतरसमाश्रयिणी संध्यारागे चरति मदनकरपीडनोत्सव गगननगरचत्वरनिखातोछलदनलकुसुमतारतरधवलधूमधारायितसु रसरित्प्रवाहांधकारौषधापूरित संध्यारागाग्नियंत्रनलकसंधुक्षर्णवत्तिकेव अंधकारनिमग्नतनु रतनुप्रकाशाय वैश्वानर मुत्पादयितु मिव विधिकरकमलकलितपश्चिमाचलगंडशैले मुहुर्मुहु: संघट्टनाध्दवलिता यश:शलाकेव पुष्करपिपासया पुष्करनिहितपुष्करस्य वक्रतरदंष्ट्राचक्रनक्रवक्त्रगृहीतचरणस्य तिमिरगजेंद्रस्य पुष्कराक्षदुष्काराद् इह रक्षरक्षेत्यंतरिक्ष मुध्दीक्ष्य सूक्ष्मतरपक्षिकंठभाषमाणस्य विमोक्षणाय विक्रमैकनिलयशक्रानुज-निक्षिप्तनिमग्ननिष्कामच्चक्रधारेव गगनतडागोदरवननिमग्नतुहिनभानुबिंब बकचंचूचरण-चालनजंबालतम:पटलविनिर्गतक्षुदत्तारकानिकरांतरोच्छलितैक मच्छस्य पुनर्गच्छतो नवछन्नपुच्छामिव अंधकारकर्दमितन भोमंडलालवालमीलितेदुकं दज्योत्स्नाचंदनजल -
सिंचनोदंचदमंदकंदलललितामलविदलद्दलद्वयमिव मनसिजनरपतिजगद्विजयनभोदुंदु- भिनिहितचंदनयष्टिकेव चंद्रशेखरमूर्तिरिव विदलितांधकारा लक्ष्मीरिव विष्णुपदप्रवणा धार्मिकैकधराधीशनिदेशवेत्रवल्लिरिव कुवलयोल्लासिनी जांबवतीव ऋक्षकुलललितशरीरा मीनकेतनतनुरिवानंतजा तरणिरिव जलनिधिकूलगता कृपणनरपतिचित्तवृत्तिरिव मुद्रितकमलाविलासा वृषभाननंदिनीव कृष्णपक्षनिर्गमनमंजूला संध्याघ्रविलासिनी चंदनतिलकलिपिरिव काचन रेखा पश्चिमदिङ्मुखमंडले समुल्ललास ॥
अपिच ॥
सांध्यरागदहनोपरिस्फुरद्वालशांतकिरणछलादिदं ॥
कारुकेण मनसिजस्य कामुर्कं निर्बलं द्रढयितुं प्रताप्यते ॥१८५॥
नव्यशीतकरकैतवाद्विधि र्गव्यदुग्धयुतशृंगधारया ॥
निर्गलध्दवलबिंदुवृंदया व्योमलिंगमभितोभिषिंचति ॥१८६॥