कर्षकेण विना वियद्वना त्तेजसां निचय एष नीयते ॥
उंछवृत्ति मिव कर्त्तु मुद्यत स्तारकाकणगणै र्द्विजाधिप: ॥१७५॥
तुहिनकर: सकलंको ग्रहणभिया क्षुधितविधुंतुदस्याग्रे ॥
कपटादिव गरलाक्त: पिंड श्चंडप्रभेण निर्मुक्त: ॥१७६॥
ततो मदनमहीपते: प्रतापयशसो र्गणन मभिकुर्वाणस्य सुपर्वनदीदंडरश्मिलंबितचंद्रचंडांशु- मंडलतुलापुटस्य लघुपाषाणगणमिव ऋक्षगण मतिरूक्ष मिति संवीक्ष्य बहिर्निक्षेप्तुं व्यापृतसूक्ष्मदृष्टिविभवस्य कनकरजताचलछलेन तोलितपुंजयुगलमभिकुर्वाणस्य अद्याप्यसमाप्तया तदेव दिवानिशं विदधत श्चतुरानृनस्य चातुर्यमर्यादया द्राघीयांसं आशयं स एवैंद्रजालिक: क्षणं प्रकटीचकार । समनंतर मनंतेन नयनद्वयेनेव निरीक्ष्यमाणा विश्रब्धाविश्रब्धनवोढेव लक्ष्मी: कमलकुवलयनिलययुगलदलकपाटघट्टनविघट्टननटने पटुरपटु श्च संबभूव । तदनंतर मुच्चतरार मस्तगिरिवंशशिखरपरिसरा दुत्तरणशीलशैलूषमिव चक्रवाकयुगलविदलनरक्ताक्तविधिशापचक्रा मिव अकूपारकूपजलनिष्कासनरश्मिसन्नध्दकनककलशमिव द्वीपांतरकमलाकरविक्रयिणो विकासवसु संगृह्य विनिमयेन तत्करकमले भ्रमरछलेन काचमणिगुच्छं विनिक्षिप्य कोशकिरणव्याजेन पाणिमुद्रण मुपकल्पयन् सायंकाल: पोतवणिग् निजतरणिं समुद्रसरणिसंगता मकरोत् ॥अपिच॥
प्रात: स्मार्तबृहद्भानो र्भानुगोल इवोध्दृत: ॥
अस्तंगतस्य तस्येव दंभात्संभारित: पुन: ॥१०७॥

तत: कौसुंभरागरंजिततिरस्करणीमिव अस्तगिरिगैरिकधातुमार्गधावमानसप्तोश्वरथोद्धूतधूलीपटलमिव रजनीलपनालेपनं सुधांशुचुंबनेनारुणितमिव संध्याराग मरचयत् । तस्यांतरे कौतुककल्पतरु रिव कतिपयकुतुककोरकितो रचित स्तस्य फलानीव कानिचिदन्यतराणि कुतूहलानि तेन तन्नयनयो: सन्निहितान्यातेने ॥ तथाहि ।
जोत्स्नाक्षीरसमुद्रे सुप्तो नक्षत्रमालयानंत: ॥
मन्ये हिमकरबिंब तन्नामिस्थं सितांभाजं ॥१७८॥
गगनसरोवरतीरे तारापारावतस्थितान् वीक्ष्य ॥
चंद्रोय मिंद्रहस्तान् मुक्तोस्त्येनं समाहर्त्तु ॥१७९॥
गगनेनल्पकतल्पे ताराकुसुमचयविरचिते रत्या ॥
सुप्तो मनसिजनृपति र्ग्लानं निजगल्लकं कृत्वा ॥१८०॥