आपला शक चालता केला ॥ आपण समुद्रिं राहिला ।।
मग भोजराजा जाला । शोमवंशी ॥ १७५ ॥
त्याची परंपरा उज्जनिनगरी ।। यका पासाव येक अवधारी ॥
ते सांगतों सविस्तरी ॥ आईका आता ॥ १७६ ।।

अयुताचन राजा दानसुर ॥ उज्जनिनगरिचा नृपवर ॥
नांदतां महापवित्र ।। कथा वर्तलि ते आईका ।। १७७ ॥
शामकर्ण राजा शोमवंशी । नांदता पैठणदेशीं ॥
पुत्र नाहि वंशीं ॥ म्हणोनि वैराग्य घेतलें ॥ १७८ ।।
अयुताचन गेला पारधिसी ॥ अरण्यी देखिलें तयासी ॥
पृछा आदरिली तापसिसी ।। राये प्रती ॥ १७९ ॥
तूं कवण देशिचा नृपती ।। राया सांगे मजप्रती ॥
कवण देशिं नांदती ।। पुत्रकळत्र ॥ १८० ॥
येरु बोलिला वचन ॥ आम्हि सोमवंशि जाण ॥
आम्हा छत्र सिंहासन ।। जाण सत्य ।। १८१ ॥
नामाभिधान आमुचें ।। अयुताचन साचें ॥
पुत्र पांच आमचे ।। मंदिरी आहेती ॥ १८२ ॥