दशमोल्लास:

॥ श्री:॥

तदनु स कवि स्तेन सवाईमहाराजेन, सर्वाभीष्टप्रदायके, कैलासशैल. प्रतिमल्लशृंगमंडले, य: संततविततशीतभयेनेव प्रावृताभ्रशुभ्रकंबलं:, यं अनंतस्तंभ इत्यवलोकयति लोक:, येन जगद्गुरुप्येककंदरस्थापित:, यस्मै परमगुरवे विद्याधरधराधराधरायांतेवासिन: सर्वे पर्वता श्चरणप्रणता इव दृश्यंते, यस्माज्जह्नो रिवोदरात् संक्रांतपूर्वा भागीरथी संक्रांतिदिवस एव नि:सरति, यस्य तीर्थजलानमिज्जनाद् द्विजन्मादि रेकवारमपि जन्म नाप्नोति, यस्मिन्नारूढजननयनस्याध:स्थिता अन्ये पर्वता: कुंजरंति, कुंजरा अप्युंदुरंति, भिल्लादयोपि पिपीलिकायंते, कणादकपिलागस्त्यमि-त्रमुद्गलप राशरा दिविविध तीर्थ जलो क्षण मात्रद्रीकृत सकलजन कल्मषे, क्ष्मामडामरादतिराहित्यमहितमहितमहीविलासे, यतिजननियतसेवितकंदरशतगर्भ मंदिरे, कंठीरवशार्दूलाच्छभल्ल भल्लूकाध्यासितदरीपरीसरसरीसृपौकसा कनिर्मोकभीषणाधित्यकाधिष्ठितमहर्षिगणे, कमलकुवलयललितदलकल्लोळ-वेल्लितक लहंसकारंडकचक्रवाक बककूजितकमनीयकासारसहस्रोपशोभिते, वलीमुखवल्गितपल्लवलास्य कल्पतरुतुल्यमहीरुहसकुलालये, बकुलमालतीपाटलकेतकीकुसुमविकास सौरभोद्भासितोपवनपवने, श्रीशैलशकलाभिवेयेककुदचलवरे तस्मि न्निंद्रादिकवृंदारकवृंदवंदितचरणारविंदयुगल:, सेवा समयसमुत्सुकभुजगराजफणामाणिक्यमयूख-मंडितमडपमंडल:, मंगलनीराजन समयसमागतसरससंगीतनाटय-विद्याविशार-दरंभोर्वशीप्रमुखदेवांगनासं दोहसंदेहदवारविलासिनी-निचयसंसंवितनाना-दिगंतवास्तव्यनरेंद्रवि रचितैकैकदिवसोत्सव समुचितकिरीटादिभूषणसंचय: अंगवंगकलिंगमाग धमहाराष्ट्रादिदेशेभ्य: प्रार्थनया समागतनरनारीसमूहसमानातिवैडूर्य वज्रगारुडनीलपद्मरागप्रवालमौक्तिकादिमणिक निचयोपहार – समुचितपदपद्मपर्यंतभागः, पंचामृताभिषेकसमयसमीक्षककरसंख्याविद्भणनिगदित चतुर्वेदघोषष्रितगर्भ मंदिर:, प्रतिदिनविद्वज्जनपठिततत्तकत्कालसमुचित -महाभारतादिपुराणकथाप्रसंगशोभितसन्निधिदेश:, श्रीमच्छिवगंगाधरेश्वरो वत्तते । तत्सन्निधौ सारासारविचारपाराशरीयनारायणसू रिसम्मतमहाभारतपारायण प्रयोजनव्याजात् श्रीमग्दंगाधरस्वर्णांबिकावर्णन मेवं कुर्त्तुं मादिष्ट: । तत्र तेन कविना सकलसमृध्दिशालिना पुष्टा: स्वकीया गाव: भगवदभिषेकार्थ मिव पद्यामृतानि दुग्धा:। तानि पद्यामृतानि संस्कृतसंदर्भे लिखितु मयुक्त मिति प्रकरणप्रसंगादग्रे लिख्यंते । तत स्तेन कविना महाभारतपारायणं कुर्वता पुराणपुरुषवचनादित्याकर्णितं । अहो त्यदेतत् स्थलं महारोगकृद् भवति । अत्र दैवाद् विपन्नस्य