गुरु रेक: कवि रेक: सदसि मघोन: कलाधरोप्येक: ॥
अद्भुत मत्र सभायां गुरव: कवय: कलाधरा: सर्वे ॥२६८॥
तत्रानेन कविनोत्तरार्द्ध मेवं विधाय कृष्णभट्टविदूषकमुखेन स युवराज: श्रावित: । यथा ।

अद्भुत मत्र सभाया मेते बहव: क्षमापति स्त्वेक: ॥२६९॥
तत: कस्मिंश्चिद्दिवसे बघेलनृपते: कवीश्वरवरेण राजसन्निधौ स्वकीयनरपते रौदार्य मैव मुदीर्णं ।

अघे लघुतरारंभो बघेल मुपसर्पति ॥
पुत्रवान् धनवां श्चैव जायते चारुज स्तथा ॥२७०॥
अत्रानेन कविनोत्तरार्द्धयमकं ॥
+ + + + + + + + + + ॥
+ + + + + + + + + ॥२७१॥

तत स्तस्मै सकलकविकुलश्लाधनीयाय स्वकीयकर्णभूषणादिनानालंकार. वस्त्रभूषिताय पारितोषिकव्याजेन एकमेवाद्वितीयं ब्रह्मेति उपासनया एकोजनार्दनपंडित मिवानुकुर्वाणं हरिहरभेदभावनारहिततया हरिहरदिवसोपवासनिरंतरं हरिहरकथाश्रवणान्नदानविख्यातवैभवं मनोहरशरीर विभवतया नारायणतनुसंभव मादधानं जनार्दनपंडितं प्रतिवर्ष वराहशतसहस्रकं देयमित्यादिदेश। तत: कतिपयदिवसै: सवाईहाराजेति तं युवराजधुरंधरं पितुरप्यधिकतरं वसुंधरायां जयंतं जनकमिव जनकस्य जनपदपालकं जनो जानाति स्म । स कवि स्तने राज्ञा स्वकीयाज्ञापालनप्रतिज्ञाशालिने दिनमणिमणि रिव रमणीयगुणविशेषतया सकलजनकरग्रहणकुशलाय द्विजराजकार्यकोविदतयार निजपरिपोषककमलाकरकोशी करणनिपुणाय उत्तमकर्मानुष्ठानजनितयशोधनलुब्धाय यशवंतरायनाम्ने राजकार्याकार्य-करजनकर्मनिरीक्षणविचक्षणाय
मंत्रिमुख्यायैवमाख्यातं । अयं कवीश्वर: सर्वविषये समृध्दिभाग् भवति तथा भवद्भि र्भवितव्यं ॥

॥श्री:॥ ॥ इति श्रीमज्जयरामकविविरचिते राधामाधवविलासे युवराज्यावाप्ति र्नाम नवमोल्लास: ॥९॥