एवमेकस्मिन् दिवसे पटंडपस्थितो राजा राकारजनीकरं सकलंकंविलोक्य वर्णयत इत्यादिदेश
। स कवि: ।

एकेन लक्षणेन हि लक्षित इंदु र्विनिंद्यते विश्वै:॥
द्वात्रिंशल्लक्षणकं शाहनृप त्वां स्तुवंति तच्चित्रं ॥२६२॥
सकलकलावाननिशं कविबुधगुरुमित्रदर्शनानंदी ॥
मृगपतिचिहनितवाह: क्षितिपति: शास्तु चित्रचंद्रोयं ॥२६३॥

अथ कदाचित कोशाधिकारिणा प्रत्यहं दीयमाने वराहे केनचित् प्रतिबंधेन द्वित्रिदिनं न दीयमाने सति तमुद्दिश्यैवमुक्तवान् ।

काव्याटवीं पर्यटत स्त्वदीयां कवे र्मृगेंद्रस्य गजेंद्रलाभ: ॥
तस्या मकस्मान् मम शाह कस्मान्नित्यं वराहोप्यतिदुर्लभोभूत् ॥२६४॥

तत: कस्मिंश्चित् प्रावृटसमये दुर्दिन मुद्दिश्य स कवि रेवं वर्णयति स्म ।
यस्यां मच्छकलाधर: स्फुट इन: श्रीमानपंकावनी
सानंदे निगदंति मंजुलगिरं भूदेवहंसा इमे ॥
वृष्टि: स्वर्णमयी भवत्यविरतं पद्मावनं जीवनं
चित्रा प्रावृडियं सभा विजयते श्रीशाहराजं स्तव ॥२६५॥
॥श्री:॥

॥ इतिश्रीमज्जयरामकविविरचिते राधामाधवविलासे चंपूकाव्ये
राजरीतिवर्णनं नामाष्टमोल्लास: ॥८॥