[२०२]                                                                               श्री.                                                                    ४ आक्टोबर १७९५.

श्रीमंत राजश्री रावसाहेब स्वामीचे सेवेसी.
विनंति. सेवक गोविंदराव कृष्ण कृतानेक सां। नमस्कार विनंति विज्ञापना त।। छ २० माहे र।।वलपर्यंत मु।। भागानगर येथें स्वामीचें कृपावलोकनेंकरून सेवकाचें वर्तमान यथास्थित असे. विशेष. इकडील वर्तमानाची विनंति अलाहिदा पुरवणीपत्रीं लिहिली आहे. अवलोकनें ध्यानांत येईल. उत्तरें रवाना व्हावयास आज्ञा करणार स्वामी समर्थ. सेवेसी श्रुत होय हे विज्ञापना.