[१९]                                                                                श्री.                                                                           २६ जून १७९५.

विनंति विज्ञापना. छ २२ माहे जिल्काद बुधवारीं नवाबाची सालगिरेचा दिवस. नजूमियास बोलावून साअत पांच घटिका रात्रींची ठरली. तयारीविषयीं गनीयारखान यांस सांगितलें. नेमाप्रमाणें रात्री पांचवे घटिकेस हाकीम जाफरखान व गनीयारखान हजर झाले. गुल अनारी रंगाचा पोषाग व जवाहीर, सरपेच, जिगा, कंठी, दस्तबंद, भुजबंद घेऊन हकीम मजकूर यांनीं सालगिरेची गांठ, नवाबास बांधिली. बाहेर आल्यानंतर त्यांनीं नजरा केल्या. दुसरे दिवशीं अलीजाहा बहादूर व शिकंदरजाहा सुभानअल्ली वगैरे सर्व साहेबजादे व बसालतजंग यांचे पुत्राची याद केली. हजर झाले. त्यांच्या नजरा झाल्या. फुलाचे हार त्यास दिले. प्रहर दिवसा तें आपलाले हवेलीस गेले. सालगिरेचा. समारंभ चार पांच दिवस नित्य नजरा होत आहेत. र।। छ ८ जिल्हेज. हे विज्ञापना.