लेखांक ६४.
श्री.
नक्कल
तहनामा मौजे आळंदी व मौजे केळगांव व मौजे डुडगांव प्रां पुणे व प्रांत चाकण यांच्या विद्यमाने बीता.
१ रखमाजी पा  १ भिवजी पा
१सयाजी पा   १ माणकोजी पा
१वाल्होजी वहिले   १ खंडोजी पा
१ मल्हारजी वहिले  १  रामजी पा
यांच्या विद्यमाने तह करार केला जे – मौजे केळगांव, प्रांमार, हा गांव श्रीगोपालपूर येथील संस्थान श्रीगोपालजी व मठ व ब्राह्मण यांच्या योगक्षेमनिमित्य श्रीस्वामी ज्ञानेश्र्वरबाबा यांनी आपल्या ऐश्र्वर्येकरून ज्याकडील जे अधिपत्य ते त्यास मागून दरोबस्त आपल्याकडे करून घेतला आणि संस्थान चालविले. त्यास, गांवकरी मानीनात, नाना प्रकारचे बाहेरलेही उपद्रव लागले, म्हणून राजश्री कृष्णराव महादेव स्वामीचे आत्मिक म्हणून त्यास सांगितले की त्याच्या हिमायतीने आपले निरुपद्रव चालेल. तो होणार भवितव्य जे, त्यांनी स्वामीपासून लिहून घेऊन संस्थान, गांव व सत्ता अगदी आपलेकडेच करून स्वामीचे पुत्र, ज्ञानेश्र्वरबाबा यांचे पुत्र व ब्राह्मण अवघे बुडविले. भिक्षारीतीने कालक्षेप होऊ लागला. श्रमी होऊ लागले. याकरितां श्रीमंताकडे जाऊन त्यास निवेदन केले. त्यांनी न्यायता मनास आणून संस्थान स्वाधीन केले. त्या कामगिरीस
(अपूर्ण)