वारंवारं तिर्यक् पतति कटाक्षो मृगाक्षि ताटंके ॥
मन्ये स्वकीयबाणं मदन: शाणे निशातयति ॥७१॥

त्वदधरबिंबं नासाशुकेन शश्वत्समाघ्रातं ॥
इति खलु जडताहेतो रधिगत मेतेन मूकत्त्वं ॥७२॥
गारुडमणिमुक्ताफलललित: कलित: शिखावलो घ्राणे ॥
निटलवलत्कुटिलालकभुजगी मिव गिलितु मुच्चलति ॥७३॥
त्वदधरमधुमाधुर्यं निरुपम मपि लिखितु मारमे यावत् ॥
मत्करकलिता खटिका तावदभूच्छर्करागुटिका ॥७४॥
द्वैधीकृत्य सुधांशो: कलाकलापं रदाननविधि र्विदधे ॥
अंके सुसंधिबंधानधरं धाराभि रमृतस्य ॥७५॥
रदनरदच्छदरो विजल्पसि किंचित्तदाद्य तव राधे ॥
मुक्ताप्रवालमिलितं + + + काव्यं न किं भवति ॥७६॥
मधुरं यदि वा रुक्षं जल्पसि किमपीह मभ्दाग्यै: ॥
रदनरदच्छदभाभ्यां प्रभवति काव्यं मणिप्रवालं तत् ॥७७॥
मुखमुखरदंतचुबुके तव नवपंकेरुहानने विलसन् ॥
आयसकीलकलीलां कलयति वल्लीरसांकितो बिंदु: ॥७८॥
इंदु र्वाडवतप्त: सततं लवणार्णवक्षिप्त: ॥
न भवति कलंकमुक्त: स कथ युक्त स्त्वदास्यदास्याय ॥७९॥
कंठोपकंठवर्तिनि वक्षोजे जयति मौक्तिको हार: ॥
अंबुजभू रभिषिंचति शंभुं ननु कंबुना दुग्धै: ॥८०॥
रोमावलिगुणललितं धनुरिव सशरं दशार्ध्दबाणस्य ॥
नीवीकुचरचितकरे त्वयि भवति घुणाक्षरन्यायात् ॥८१॥
सान्निध्यादतिगर्वा: खर्वा: कुर्वंतु मानत: सर्वा: ॥
अंगुष्ठस्य वरिष्ठा तथापि निष्ठा कनिष्ठाया ॥८२॥