वदनच्छिन्नस्येंदो: शंकुशकलानि षोडशाभूवन् ॥
तव पदनखेषु दशकं षट्कं शिवयो: किरीटेषु ॥८३॥
शैशवयौवनयुध्दे मध्ये शून्य विलोक्य तनुदुर्गं ॥
कुचदस्युभ्यां जगृहे माला मवलंब्य रोमालिं ॥८४॥
श्रीशैलस्त्वदुरोज: फलदाने जायते हि विपरीत: ॥
यच्छिखरस्य विलोका मवति मम पुनर्भवोत्कंठा ॥८५॥
सामुद्रिकचिन्हं तव भवति विचित्रं कुचांतरे तरुणि ॥
यस्यालोकनमात्रा ज्जातं कामस्य साम्राज्यं ॥८६॥
सुमुहूर्ते परिपीतं गरलं कुचशंभुना मन्ये ॥
तद्दुष्टं त्पुष्टयै जातं मरणाय तरुणनां ॥८७॥  
कालिंदीजलकलशौ मनसिजपुण्याहवाचने विहितौ ॥
तदुभयनिसृतधारा राजति सुतनो र्न रोमाणि ॥८८॥

तव सुतनु स्तनयुगलं व्यायामवशात् परस्परं कर्पति ॥
चूचुकबध्दशिखंडं मल्लद्वंद्वं नु युध्द मातनुते ॥८९॥
लावण्यामृतसिंधौ सभृतगर्भा तरुण्यसौ तरणि:॥
नध्दकुचाग्रशिरस्रौ यत्कुचसांयांत्रिकौ जयत: ॥९०॥
कुचयो: कृषणविलुप्ता रोम्णां राजी विराजते सुतनु ॥
मदनद्विपयो र्युध्दे भग्नांता सीमभित्ति रिव ॥९१॥
स्तनयुगकनककरंडकनि:सारितरोमराजिभुजंगी नु ॥
मदनाहितुंडिकोसौ रंगारंभाय नाटयति ॥९२॥
मन्येमन्मथयजन्मे नखास्त्रभिन्ने + + + स्तेशाने ॥
गलगरलादिह गलिता ललिता धारा न रोमालि: ॥९३॥
रोमालिरज्जुकलित श्चूचुकचक्षु स्तव स्तनस्तेन: ॥
युवजनमानसविहगा नतिवलं हंतु मारभते ॥९४॥
कंचुककलितकुच स्ते चंचलहारालिसिंजितोपेत: ॥
व्यस्तपतत्रनिबध्द: कूजति करुणं रथांगनामेव ॥९५॥