रोमावलिनिस्त्रांश श्चूचुकफलक: सकंचुक: सततं ॥
अचल: परकरपतने तव कुचवीर: चिरं जयति ॥९६॥
लावण्याब्धि र्मध्य: प्रकटं रोमालिसेतुबध्दोपि ॥
दृश्यो न भवति पुरत: स्फुरति परं नाभिकावर्ते ॥९७॥
त्रिवलीवलयित गुदरं मौक्तिकदामोपबृंहितं सुतनु ॥
त्रैस्रोतसौधभिन्नं ताराकीर्णं नभो विंडबयति ॥९८॥
रशनावशग: प्रसभं नितंबबिंबो मनोंबुधिं मथ्नन् ॥
उद्वेलयति कृशोदारे मंदर इव वासुकिक्रांत: ॥९९॥
जघनोरुजानुजंघासंघापघन जयत्यदश्चरणं ॥
वारणशुंडाक्षे भरणं शोणि मशरणं प्रफुल्लमिव कमलं ॥१००॥
त्वष्टा तव नखाग्राण्येकीकृत्याभिनिर्मिमे द्वितीयं ॥
तत्र चतुर्भिरवंद्यं षोडशभि: सोममंडलं वंद्यं ॥१०१॥
गतिविजता: कलहंसा: संसेवंते सदैव पदकमलं ॥
विमुच्य मानस मखिलं कलहं कलहंसकीभूय ॥१०२॥
अतनु स्तव तनुघनुषो मध्ये तनता मतीव संवीक्ष्य ॥
आयसपृष्ठं तनुते तनुतनु ननु वेणिदंभेन ॥१०३॥

एवममृतासारसरसाभि र्मानसमहाज्वरनिर्वर्तिकाभि रमृतवर्तिकाभि रिव शिखरादिनखरांतसकलावयव-वर्णनाकूलाभि र्वाणीपरंपराभि: प्रेयसीं प्रसन्नवदनेंदु माधाय समनंतर मेव मवादीत् ॥
प्राणादपि प्रियतमां तपसाप्यलक्ष्या मन्तर्द्वितीयव्यसनत: कुतुकादवाप्ताम् म्लानां विधाय भवतीं निशि निर्गतस्य शिक्षां विदेहि कुचपर्वतपातनै र्मे ॥
इति मधुरिपुणाभिसांत्वितासौ किसलयपिंजरिता मधोरिव श्री: ॥
त्रिभुवनजयिन स्रिलोचनारे र्विविधविधायुधसे + धेव राधा ॥१०५॥
एवमाश्वासितोदंचत्प्रसन्नवदनांबुजा ॥ राधा कृतापराध सा परिरेभे यदूद्वहं ॥१०६॥

॥श्री॥ इति श्रीजयरामकविविरचिते राधामाधवविलासे चंपूकाव्ये नखशिखावर्णनं नाम तृतीयोल्लास: ॥