एव मभिदधासु सुंदरीपु कुंदरदनसुंदररदनारविंदो मुकुंद: समंदस्मित मिदमवादीत् ॥
निर्दिश्य पद्मवदना: स्फुटमंगभंगं । निर्याय वारिझरत: करपंकजेन ॥
नामानिर् कीर्त्तयत चेन्निखिलांगकानां । प्रत्येकमेव वसनानि ददाम्यह व: ॥२५॥
एवं विरचितवचने पुंडरीकलोचने चंचललोचना: समालोच्य परस्परमेवमुत्तर
मुदीरयांचक्रु: ॥ अये कुसुमबाणलावण्याग्रगण्य भगवन्नार्यनंदन ॥
सर्वस्य साधारण मंगजातं । नामापि तस्यावगतं समस्तै: ॥
ज्ञाते बुभुत्सा न पुन: प्रसिध्दा । स्वामिन् दयानीरनिधे प्रसीद ॥२६॥

एवं निजमनोगतविनोदापनोदनवादिनी रलिकरपल्लवोल्लासिनी र्बल्लवविलासिनी र्वसनाभिलाषिणी र्वलयितकरपुष्करेण कलितचैलावलि र्ललितसल्लकीकिसलयकल्पितकवल: कलभदंतावल इव गोकुलपतितनय: पुनरेवमवोचत ॥ अये बालमृगनयनाभि र्युक्तमुक्तं भवतीभि: ॥
अंगानि सर्वस्य समानि यानि । नामानि तेषां विदितानि तावत् ॥
पुंसां पुन र्यानि न संति तेषां । नामैव बोध्यं भवदंगकानां ॥२७॥

इति निगदति भगवत्यनुत्तरासु गत्यंतराभावाद् विन्यस्तवामहस्तालंकृतकाममंदिरास्वधिकतरनमितकं- धरासु अलिकवलितल-सदलदलकमिल नललितवदनेंदुविनिंदितसेंदिंदिरकमलासु सलीलं सलिलपूरा न्निर्गत्य कमलिनीकमलकुड्मयुगल मिव कथंचिदाविस्पष्टशब्द मिदं कुचद्वंद्व मिति झाटिति निर्दिष्टकुचयुगलासु बल्लवमहिलासु तदनु तनुविनिर्जितेंद्रनीलमणि: कलाधरकुलाग्रणी: पुनरेवमभाणीत्॥
अलमेकमेव कलहंसमंजुलं । गलदघ्न माशुजलमाश्रिता इमा: ॥
वचनै र्विनोदरचनै: पृथक् पृथग् । वसनै: समंजुरसनै रतोषयन् ॥२८॥*

॥इति श्रीमज्जयरामकविविरचिते राधामाधवविलासे चंपूकाव्ये जलक्रीडावर्णनो नाम प्रथम उल्लास: ॥