किंच ॥

शैशवेऽपि यदीयनिरवद्यसौंदर्यदर्शनमोहितानां व्रजुसंदरीणा मेवं किल विस्रंभसंभाषणसंभार: ॥
अये लीला बाल्येऽव्यहह जगतीं व्याकुलयति
ह्यमुष्मिं स्तारुण्यं यदि समुदयेत् का ननु कथा ॥
दशां काम: कां वा कलयतु जगद्विश्रुतयशा
वयं वा लोलांत:करणकलिता: का मिह दशां ॥१४॥
गुरूणां सेवासु प्रतिपदमनर्थैकजनक:
प्रमादो यल्लीलापरवशहृदां न: प्रभवति
असौ स्त्रीणां भाव: किमु विषविसर्प: किमु मद:
किमित्यच्छेद्यं च प्रथयति विकारं मनसि न: ॥१५॥
का वा बालविनोदनच्छलवशादालिंग्य बालं हरिं
साकांक्षं परिचुंब्य तध्दतकुचद्वंद्वा व्रजैणीदृश: ॥
उज्जृंभत्कुसुमास्रविभ्रमसरसिर्वस्वसारोद्धुरा
नोन्माद्यंति वलंति चाटु दधते मुह्यंति मूर्छंति च ॥१६॥

सस कदाचित् नवनीतचौर्य्यमर्य्यादाभि: कदाचिचद्वत्सपालनलीलाभि: कदाचन यामुनपुलिनविहारै र्जातु वेणुवाद्यविद्याभि र्जातु यातुधानधेनुकादिमथनखेलाभि र्जातु गोवर्ध्दनोध्दारदावानलपानकालियमथनभृतिभि रद्भुतावदानै श्च व्रजजनतामानंदयन् कदाचितिमुग्धां राधांकिंचिदुदंचितचूचुकोच्छूनकंचुकां वचनप्रतिवचनरचनै वैचयितु मित्यवोचत् ॥
मुग्धे किं न चिकित्स्यते हृदयगं ग्रंथिद्वयं वेदना
नास्मिन् मैवमुर: पुरा जडमते व्याप्नोति सा स्यात्तत: ॥
तत्किं पीडनमेव दुष्करमिदं स्वेनाहमुन्यर्द्दनं
कुर्व्वे मृद्विति वंचयन् विजयते राधा मबाधां हरि: ॥१७॥