श्री.

विनंति उपरि. छ. १३ शवालचीं आह्मांकडील पत्रें पावल्यांचा दाखला छ. १६ मिनहुचे रवानगींत तुह्मीं लिहिल्यावरून कळला, कलम----१

“राजश्री पाटील बावांस समाधान नहीं, सीतज्वर येतो, राजश्री नाना व तात्या समाचारास गेले होते; त्यांचे स्त्रीसही समाधान नाहीं. “ ह्मणोन लि।, तें कळलें. पाटील बावांस अलीकडे समाधान कसें ? हें ल्याहावें कलम---- १

“गोविंदराव गायकवाड यांस सरकारांतून वस्त्रें दिल्हीं; परंतु सरंजामी होऊन जाणें होत नाहीं; मानाजी गायकवाड बडोद्यांत हुशारीनें राहून सरकार नजरेचें संधान लाविलें” हा त। समजला. सरकारांतून दोघांतून कोण ठरेल हें ल्याहावें. कलम-----१

“श्रीमंतांची स्वारी हाथी व वाघाची लढाई पाहावयाकरितां छ. १७ रोजीं गेली," हें लिहिल्यावरून समजलें. अलीकडे नवल विशेष ल्याहावें. कलम----१

“राजश्री परशरामपंत भाऊ तासगांवास गेले, मुंज जाली, सांवताचे कामाकरितां करवीरास जाणार, सरंजाम करितात, सरकारांतून तोफा रवाना होणार." ह्मणोन लि।. त्यास सरकारांतून भाऊकडे तोफा किती गेल्या ? भाऊ आद्याप तासगांवींच आहेत ? किंवा करवीराकडे? हें वर्तमान आलें असल्यास ल्याहावें. सांवताकडून बोलणार सरकारांत येणार, जें ठरेल ते लेहून कळवावें. कलम----१

सागवानी लांकडाचा व बंदुखाचा मार. लिहिला. त्यास यापूर्वी येथून त। वार लि॥ आहे. त्यावरुन कळेल. कलम---१ कलमें सुमार साहो र॥ छ० २ जिलकाद हे विनंति.