[५३]                                                                               श्री.                                                                             ८ जुलै १७९५.

विनंति विज्ञापना. अलीज्याहा बाहदूर साहेबज्यादे यांजकडे नवाबांनीं त्याचे वस्ताद खुषरकमखान व चतुर्भुजदास वकील व दिनकरराव सदाशिवरड्डीचा वकील या त्रिवर्गांस रवाना केलें. समागमें बहंग्या तरमेट्याच्या दोन व नवाबांनीं इनायतनामें व बक्षी बेगम यांचीं पत्रें देऊन साहेबजादे यांस समाधानपूर्वक बोलावयाचे प्रकारें सांगून पाठविलें. छ १५ जिल्हेजीं ते येथून निघून साहेबजादे यांजकडे गेले आहेत. र।। छ २० जिल्हेज. हे विज्ञापना.