[२२३]                                                                               श्री.                                                                   २० आक्टोबर १७९५.

विनंति विज्ञापना. आसद अल्लीखान यांनीं रुकमारड्डी व रामरड्डी वगैरे चौघे जमीनदार तांडूर, कोसगी, कोडगल, कुंदगळ येथील कौल देऊन आणिले. त्यास कैद करून हैदराबादेस समागमें घेऊन आले. हे जमीदार पेशजी अलीजाहबहादूर यांजकडे मिळाले होते, सबब हल्लीं, रुकमारड्डी व एक जमीदार या दोघांस तोफेचे तोंडीं देऊन उडविलें, व दोघे जमीदार ब्राह्मण यांचे शिरच्छेद करून शिर व धडें त्यांचे तालुक्यास पाठविलीं. सबब कीं वरकड जमीदार यांस दाब बसोन कोणी अलीजाह यांजकडे जाऊं नये. वेगळे असतील त्यानीं रुजूं व्हावें हें नबाबानीं मनांत आणून छ ३ र।।खरीं याप्रमाणें केलें. आसदअल्लीखान यांनीं समागमें तीन तोफा व बारुदचे पेटारे बारा आणिले होते ते जिनशींत दाखल करविले. खानम।।र तूर्त येथेंच आहेत. र।। छ । माहे र।।खर. हे विज्ञापना.