[१८७]                                                                               श्री.                                                                  २५ सप्टेंबर १७९५.                                 
विनंति विज्ञापना. मीरअलम यांस नबाबानीं आज्ञा केली कीं, तुह्मी अगोदर फलाण्याकडे जाऊन त्याशीं बोलून यावें ; नंतर तुह्मांस रुकसत करण्यांत येईल. त्यावरून छ १० गुरुवारीं दोनप्रहर दिवसा मीरअलम आह्माकडे आले होते. दोन घटका बोलणें झालें. याचा तपशील मागाहून विनंति लिहितों. छ मा।रीं मीरअलम यांनी नबाबाची रुखसत घेतली. साहा घटिका मीरअलमपाशीं बोलणें अलीज्याह वगैरे प्रकरणीं झालें. त्यांत नबाबास कळावयाचें वेगळें, खासगत त्याचें आमचें निराळें, याप्रमाणें बोलणें होऊन ते दरबारास गेले. तपशील उदईक लिहीन. र।। छ ११ रा।वल. हे विज्ञापना.