[१८६]                                                                               श्री.                                                                  २५ सप्टेंबर १७९५.                                 
श्रीमंत राजश्री रावसाहेब स्वामीचे सेवेसीं.
विनंति. सेवक गोविंदराव कृष्ण, कृतानेक साष्टांग नमस्कार विनंति विज्ञापना त।। छ ११ रा।वलपर्यंत मु।। भागानगर येथें स्वामीचे कृपावलोकनेकरून सेवकाचें वर्तमान यथास्थित असें. विशेष. इकडील वर्तमान पेशजी पत्राची रवानगी केली त्यावरून तपशिलें ध्यानास आलें असेल. सांप्रत मीरअलम रुखसत जालें इत्यादिक विनंति अलाहिदा पुरवणी पत्रीं लिहिली आहे. अवलोकनें मजकूर ध्यानांत येईल. उत्तराविषयीं आज्ञा झाली पो।. सेवेसीं श्रुत होय. हे विज्ञापना.