[१४३]                                                                               श्री.                                                                  ३१ आगष्ट १७९५.                                  
विनंति विज्ञापना. वाळकुंडा, वानवळ, बेमंगल वगैरे जाबीतजंगाबाबद महाल त्रिमलराव सुरापूरकर याजकडे अमीलीनें नवाबाचे सरकारांतून आहेत. मशारनिल्हेकडून व व्यंकटराव देसाई अमीलीचे कामावर तेथें आहेत त्यास वालकुंड्याचा किल्लेदार अलीजाहाबहादूर यांजकडे मिळून किल्ला बळाविला. जमीदार वगैरे त्यास अनुकूल होऊन जमीयत केली. अलीजाहा याजकडूनही कांहीं कुमक त्याजकडे येऊन जमाव झाली. व्यंकटराव याजपाशीं दोन हजार जमीयत झाली. त्यांची यांची लढाई एक होऊन शेंदीडशें माणसें ठार जखमीं झालीं. सरकारांतून कुमक यावी ह्मणून व्यंकटराव नायब याचीं पत्रें त्रिमलराव यास आलीं. त्यानीं आपले अर्जीसमवेत नवाबाकडे पाठविलीं. र।। छ १५ माहे सफर. हे विज्ञापना.