लेखांक १९२.                                                      १७१५ अधिक वैशाख शुद्ध १.

राजश्रिया विराजित राजमान्य राजश्री रंगोबा नाईक वानवले स्वामीचे सेवेसी-
पो गोविंदराव कृष्ण सां नमस्कार विनंति उपरि एथील कुशल जाणून स्वकीयें ल्याहावें विशेष तुह्मी टप्यावरून पत्र पा ते पाऊन सविस्तर मार अवगत जाहाला शंकरदास याजकडोन हरबाजी नाईक वानवले याचा ऐवज येणे त्याचा फडच्या करीत नाही ह्मणोन त्याचा पुत्र मनुलाल यास अटक केली आहे त्यास आमचा ऐवज तो आपला आहे याचा फडच्या कोण्हेहि प्रकारें व्हावा इत्यादिक मार विस्तारें लिहिला होता तो सर्व समजला ऐसियास एथें रा रोषनराय वगैरे यांचे ह्मणे त्या मुलाकडोन तेथें फडच्या होतो असा अर्थ नाही मुलास एथें आणवावें ह्मणजे चौघे बसोन फडच्या करूं त्याजवरून पेशजी दोन वेळां पत्रें लिहिली असतां मुलास पा नाही हाली लिहिलें जातें की मनुलाल याजबार दोन माणसे आपली देऊन एथें पा द्यावें फडच्या होय तोपावेतो त्यास आपल्याजवळ ठेऊन घेऊ येविसीचा मार राजश्री गोविंदराव यांस लिहिला आहे तेहि तुह्मास सांगतील त्याजवरून कळेल रा छ २९ साबान बहुत काय लिहिणे लोभ कीजे हे विनंति.