लेखांक १८.                                                
१७०१ मार्गशीर्ष व॥ ६.                                                 श्री.                                                    २८ डिसेंबर १७७९.

पु॥ राजश्री कृष्णराव स्वामींचे सेवेसीं:---
विनंति उपरी. दक्षणचे सर्व सरदार यांचा एका जाला, हें वर्तमान करनेल गाडर यांस कळतांच, आपआपल्यांत सर्द होऊन विच्यारांत पडले. पुढें मनसबा काय करावा, याजकरितां गाडर ममईस गेले. ममईकर जनरालाचें त्यांचें कोंसल जालें. कलकत्त्यास पत्रें लिहिलीं. ममईपैकीं तीनचार हजार माणूस घेऊन गाडर फिरोन सुरतेस छ २६ जिलकादीं पोहचले. याउपरीं कोणती चाल शुरू करतील पाहावें. सरकारच्या फौजा राजश्री विसाजी आपाजी व भगीरथराव सिंदे व पाराजीपंत ऐसे, दाहा बारा हजार फौजनसीं, गुजराथ प्रांतीं रवाना जाले. सरदारांची सर्व तयारी आहे. लौकरच जातील. इंग्रजाचीं बंदरें इकडे दोन. वरकड कांहीं मुलूक नाहीं. त्यांणीं मैदानांत यावें, हें इतके दिवस वाट पाहणें होतें. सेवटीं फौजा रवाना जाल्या. सरदारही जलदच जातील. राजश्री खंडोजी भोंसले बंगाल्यांत जाण्याची नेमणूक केली. ते फौज जमा करण्यास घांटाखालीं आले. बहुतकरून फौजेचा जमाव जाला. बाकीचाही होऊन थोडेच दिवसांत बंगाल्यास रवाना होतील.^*नवाब बहादरांनीं लौकर चेनापट्टणाकडे जावें. र॥ छ १९ जिल्हेज. हे विनंति.