लेखांक १७.                                                
१७०१ मार्गशीर्ष व॥ ६.                                                 श्री.                                                    २८ डिसेंबर १७७९.

पु॥ राजश्री कृष्णराव स्वामींचे सेवेसीं : -
विनंति उपरी. राजश्री येसाजी सिंदे व सटवोजी भोंसले व मानाजी फांकडे ऐसे त्या प्रांतें आहेत. कितुरकरही त्यांचे मसलतींत मिळाले. इंग्रजाचे मसलतीस आटकल्यानंतर, खाले राण पाहून मुलकांत धामधूम करतील. ऐसें समजोन, दाहा हजार फौज त्या प्रांतीं ठेवावी. राजश्री रघुनाथराव मिरजकर कांहीं फौजसुद्धां कृष्णा पार होणार, याचा इतल्ला नवाबबहादर यांस करावा. नवाबबहादर यांचा व सरकारचा स्नेह जाला. जुदागी कोणेविशीं राहिली नाहीं. तेव्हां कच्चें पक्कें तरफेन कळविलें पाहिजे, ह्मणोन लिहिलें असे. र॥ छ १९ जिल्हेज हे विनंति.