लेखांक ६७.
श्री.
शक १६५८ माघ वद्य १. अखंडित-लक्ष्मी-अलंकृत राजमान्य राजश्री नारो शंकर गोसावी यांसि-
सेवक बाजीराव बल्लाळ प्रधान नमस्कार. सु ।। सबा सल्लासीन मया व अल्लफ. तुम्ही विनंतिपत्र पाठविले ते पावले. कित्तेक एकनिष्ठेचा अर्थ लिहिला तो कळला. ऐसियास, तुम्ही एकनिष्ठ सेवक आहां, तुमचे सर्व प्रकारे अगत्य आहे. तुमची भेट जाहल्यावर आज्ञा करणे ते करून गौरव करविला जाईल.र ।। रासावनीकडील व सवाई जयसिंगजी (यांजकडील) नवल विशेष वृत्त तहकीक येईल, ते वरचेवरी लिहीत जाणे. जाणिजे. छ १५ सवाल.

लेखांक ६८.
श्री.
१६६२ कार्तिक वद्य १. वेदशास्त्रसंपन्न राजश्री वासुदेव दीक्षित स्वामीचे सेवेसी- विद्यार्थी शिवभट साठे साष्टांग नमस्कार विनंति उपरा येथील क्षेम जाणून स्वकीयता कुशल लेखन करीत असले पाहिजे. विशेष. दया करून पत्र पाठविले, उत्तम समई पावले. लि।। वर्तमान कळो आले. हुंड्या पांचा हजारांच्या पाठविल्या त्या पावल्या व पूर्वी वे ।।रा महादेवभट जोगळेकर वगैरा ऐवज रु।। साशे पासष्ट म्हणून लिहिला त्यांपैकी वे ।। महादेवभट......... देव जोशी यांचा मजकूर लि.।। त्यास, त्याचे घरी दोन वेळा गेलो परंतु भेट न जाली. दरबारास गेले होते. मागाहून त्यांचाही जाब लिहून पाठवितो. कळले पाहिजे. व स्वामीचा ऐवज फार दिवस ठेवीत नाही. सत्वरच पावता करितो. बहुत काय लिहिणेॽ हे विनंति १००००००. कार्तिक वदि १ शके १६६२ रौद्रनाम संवत्सरे इ.इ. पे।। कार्तिक व ।।५ मंगळवार शके १६६२.