पत्रांक २५४

श्रीशंकर प्रसन्न, त्रिसुद
१७०१ माघ वद्य ३०
राजश्री

पाटील बावा गोसावी यांसीः-

श्रीमंतसकलगुणालंकरणअखंडितलक्ष्मीअलंकृत राजमान्य श्नो बाळाजी अनंत निा श्रीमंत राजश्री फत्तेसिंगराव गायकवाड सेनाखासखेल समशेरबहादर आशिर्वाद. विनंती. येथील कुशल ता माघ वद्य पावेतों सेवकांचे वर्तमान यथास्थित असे. विशेष. आपण राजश्री नारायणराव गोविंद यांसी आशा दिली. मारनिल्हे येथें आले. सविस्तर कृपेचें वर्तमान सांगितलें. त्यावरून बहुत संतोष जाहला. आपण थोर, सर्व प्रकारें सांभाळ करित आलो. पुढें आपण करितील. श्रीमंत रा सेनाखासखेल आपणाशिवाय काडीमात्र नाहींत. जी विनंती करणें ती मारिनिल्हेस सांगितली आहे. ती ध्यानांत आणून बंदोबस्त करावा. आह्मी सेवक लोक पदरचे असों. सेनाखासखेल यांसी पत्रें येथून रा केलीं आहेत. त्यांची उत्तरें आपणाकडेस येतील, त्याजवरून सविस्तर निवेदन होईल.

( यांतील शोधावरून हा मसूदा असावा असें दिसतें. )