पत्रांक २२६.

श्री.
१७०१ आश्विन.

पुा श्रीमंत राजश्री बाळाजी नाईक नाना स्वामीचे सेवेसीं:-

सां नमस्कार विनंती. शिंदे यांजकडील पहिले करार मदार ठरला आहे त्यापों द्यावें लागेल, ह्मणोन लिा. त्यास, येविसींचें तपशीलवार पेसजीं लिहिलें आहे. त्यावरून ध्यानांत आलें असेल, त्यास आपले युक्तीस येईल त्याप्रों ठराव करून लिहून पाठवावें. घडोन येईल. मारिनिलेकडून कारकून येथें आला आहे. त्यासहि आह्मीं समाधान पत्रें लिहून दिल्हीं आहेत. आणकरारमदाराचें आपणावर घालून लिा आहे. त्यास, आपले ध्यानांत येईल ते करावें. आपण करतील तें आह्मांस मान्य. बहुत काय लिहिणें ? कृपालोभ कीजे हे विज्ञप्ति.