कुरंटक: स्वस्तिक मप्रविष्ट: पुष्पंधय: सौरभभावितांग: ॥
कस्तूरिकां हेमपुटे विधाय रेजे सगंधप्रकरक्रयीव ॥११६॥
उदंचयन्पंचममंत्रमुच्चै: पिकद्विज: काननमंडपस्थ: ॥
समुच्चलद्भृगतिलाहुती: किं जुहोत्यहो किंशुकवन्हिकुंडे ॥११७॥
पुष्पाकर: कोपि सुवर्णकार श्चकार भूषाकुसुप्रकारान् ॥
संधुक्षयन् दक्षिणमारुतेन पलाशपुष्पै: पुरतो हसतीं ॥११८॥
वदंत मंके वनदेवताया: पिकार्भकं वीक्ष्य पिता वसंत: ॥
तनोति गुंजास्तबकं मनोज्ञ: क्रीडोचितं किंशुककैतवेन ॥११९॥
प्रल्हादपद्माकरसेवितोसौ हिरण्यरक्तारुणपूर्वकाय: ॥
रराज भूमीरुहदानवानां मध्ये परं किंशुकनारसिंह: ॥१२०॥
आघ्राय गंधं सुरभे: समंताद् यत्रोत्थितो व्याघ्रनख: पलाश: ॥
तत्रैव कंपर्दनरेश्वरेण शिलीमुखै र्मर्ममुखेष्वकेलि ॥१२१॥
भृंगा: प्रियालुच्छ्रितमंजरीकां विलोक्य झांकारयुता: पतंति ॥
पंचेषु रादौ गुटिकास्रगोलै: संवेद्य यन्नभ्यसतीति मन्ये ॥१२२॥
रत्यास्यपुष्पै र्निजबंधुजीव: संजीवित: शंभुहतोपि सद्य: ॥
इतीव जात: किल काननेस्मिन् नव्वर्थनामा जगतीरुहोयं ॥१२३॥
निजास्रधाम्ना तुलितस्य हेम्न: पुष्पोच्चयं विश्वजयं विधित्सु: ॥
निरस्य दूरे मधुपान्मनोभू र्ददात्यलं पुण्यवते जनाय ॥१२४॥
कुहुरवै: कोकिलयामिकोसी वनालयं जागरयां चकार ॥
तद्दीपकं चंपकमीक्ष्य याता श्चौरा: पुलिंदा: किममी मिलिंदा: ॥१२५॥
प्रगृह्य चिन्हं ननु पूर्वजस्य गृहीतवाञ्जन्म निजान्वये य: ॥
रुदन्निवासीन्निजनामलाभाध्दसत्यसौ पुष्पमिषादशोक: ॥१२६॥
शिंवीजटामंडितमस्तकश्री: संवर्ध्दितै: कोशनखैरखेद: ॥
वर्षोष्णवातै: प्रविशीर्णकाय: चकास्ति मौनीव मुनिद्रुमोयं ॥१२७॥
वनश्रियो मौक्तिकदामदस्यु: वसंतदौ:साधिकसाधितोसौ ॥
हृतच्छदप्रावरणो मधूक: पुष्पच्छलादुह्यति मौक्तिकानि ॥१२८॥