सर: परं जीवनदानदक्षं वने यथापेक्ष्य मपेक्ष्य काम: ॥
मुद्रा: स्वकीया: कमलच्छलेन गल तदीये विनिचिक्षिपेसौ ॥१२९॥
मनोजमुद्राललितांतराणि सहस्रपत्राणि समागतानि ॥
उध्दाटयन् वाचयतीव भृंगै र्वसंतसामंतसमीरणोसौ ॥१३०॥
संजीवनं सर्वचराचरस्य तज्जीवनं सूर्यकराभितप्तं ॥
इतीह सर्वत्र सहस्रपत्रै र्धृतातपत्रा इव पंकजिन्य: ॥१३१॥
प्रोत्फुल्लपंकेरुहरेणुरागा: प्रस्वेदितांगा मकरंदसंघै: ॥
विधाय पुष्पंधयवस्त्रमुष्टिं मल्लत्व मातेनु रमी समीरा: ॥१३२॥

एवं विविधसौरभसारभाजिभि: कुसुमै: सकलावयवतापनिवार्पकै र्मृदुलमलयानिलै: श्रवणप्रियंकरै र्मधुकरनिकरझंकारै: प्रेयसीमानापनोदन-मदनवैश्वानरसामिधेनीमंत्रायिताभि श्च कोकिलकाकलीभि र्वनविहारसादरं यदुनंदन मानंदयति वसंतसामंते समुपात्तपरिताप इव रमापतिसमाराधनाय समनंतर मुष्णागमसमय: समावर्तत ॥
कुचकुंभतलाद्रसप्रपूर्णा दनुरोमावलितलान्निदाघकाले ॥
विहिता मदनेन नाभिकूपे जलयंत्रोच्छलितेव हारधारा ॥१३३॥
चरणै: परिपीत मेव तोयं करचक्रेण समुज्झतीह भूय: ॥
जनसंसादे भानु रिंद्रजाली जलकल्लोलमरीचिकाच्छलेन ॥१३४॥
रविरेष शनैश्चरो निदाघे पुनरंगारकरम्यहर्गुरु श्च ॥
पवनेषु जलेषु भूरुहेषु त्रिविधं पीडन मुच्चकै श्चकार ॥१३५॥
विधृंत परितर्जितं निदाघे रविरश्मिप्रकरण दग्धदेहं ॥
वसनांचलचालनेन वायुं कुचशैले नु निवेशयंति बाला: ॥१३६॥
परिशोषितचंदनेंधनायां ज्वलन: प्रज्वलितो भवेदकस्मात् ॥
व्यजनेन जनेन मंदमंद मिति भीतेन तनौ मरुद्वितेने ॥१३७॥
विधिविष्णुविरूपलोचनानां ननु नामानि निदाघजान्यभूवन् ॥
सलिलोद्भवसंभवक्रमात्किं जलशायी सुरदीर्घिंकाधर श्च ॥१३८॥
मध्यंदिने दिनकरो नु सरस्वमज्जत् छायाध्वगेव तलमाश्रयते द्रुमाणां ॥
तृष्णातुरेव धरणी जलमुच्छुशोष वायु: स्वकाय इव फूत्कृति मातनोति ॥१३९ll
उपवनपवनेन संजितांगा ह्यचलकुचेप्यतिचंदनांचिता ॥
रविकरपरितापिते निदाघे प्रभवति संप्रति सागरांबरापि ॥१४०॥