अंगै: पंकजिनीदलै र्भुजबिसै नेत्रारविंदै: स्फुरत् -
शीतांशोरिव मंडलै र्मृतदृशावक्त्रै श्च संकीलितं ॥
प्रोन्मीलत्कुचचक्रवाकयुगलेनाभीगभीरऱ्हदे
चित्रं चेच्छिशिरभ्रमातुर महो ग्रीष्मेपि किं नो भवेत् ॥१४१॥

एवं विजृंभमाणेन ग्रीष्मेण परितापिते सकलजगतिसमीपवर्त्तितया नितांतं परितापितेव वृष्टिमिषेण रोदनं कुर्वाणा गर्जितभिषेण रटंतीव च प्रावृट् प्रावृषेण्यतया स्वकीययोगक्षेपरीक्षणक्षम मधोक्षज मपेक्षमाणेव समनंतर मुपससर्प ॥
केकारवं रागमिवालपंती घनस्वनै श्चैव मृदंगनादै:
पुष्पांजलीन् मालतिकां विकीर्य सौदामिनी नृत्यति नर्त्तकीव ॥१४२॥
सूर्यो दुताराग्रहरत्नसंघं विक्रेतुकाम: किल कामवैश्य: ॥
संदर्शयन् वर्षभयादिवायं घनांबरे सर्वमिदं बबंध ॥१४३॥
पातालत: सिंधुपथेन याता घनच्छलाद्दानवदीर्घसेना ॥
इंद्रेण विद्युत्कुलिशाहतास्रुक्बिंदूनिहावर्षति शक्रगोपान् ॥१४४॥
शक्रकार्मुकशिखंडमंडितं नीलकंठ मधिरुह्य नीरदं ॥
शक्तिमानचपलां जयत्यलं काल एष किल तारकांतक: ॥१४५॥
ग्रीष्मौषधाभृत मनंतकृशानुयंत्र मादित्यगोल मचिरद्युतिवर्त्तिजुष्टं ॥
गर्ज्जत्तदुद्भवविभावसुतापशांत्यै क्षिप्ता इमे सजलकंबलका नु मेघा: ॥
पुष्टविवरनिविष्ट: प्रसरति सर्प इव नीलमेघोयं ॥
विनिगीर्य सूर्यभेकं चपलारसनां नु चपलयति ॥१४७॥
विप्लुतोनिलरोधेन विद्युत्कुंडलिनी ननु ॥
अमृतस्य यतो वृष्टि र्भवत्याकाशयोगिन: ॥१४८॥
इंद्रचापकलापोसौ घनपक्षसमन्वित: ॥
विद्युद्भुजंगमं धर्तुं प्रवृत्त: समय: शिखी ॥१४९॥
घने नु जघने वर्षालक्ष्म्या: सूक्ष्मांबरावृत्ते ॥
रविचंद्रमये नेत्रे अनंतस्य निमज्जत: ॥१५०॥