[ १७९ ]                                            श्री.                                          ५ ऑक्टोबर १७४८.                                                                                                                                        

श्रीमंत राजश्री शिवरामपंत व राजश्री कृष्णराऊजी स्वामीचे सेवेसीः-
पो। नारो महादेव मुक्काम अवरगाबाद साष्टांग नमस्कार विनंति उपरि येथील कुशल ता। छ २२ सवालपर्यंत यथास्थित असो. विशेष इकडील वर्तमान श्रीमंत मा। राजश्री राऊसाहेबास लिहिले आहे, त्यावरून श्रुत होईल. जर तुह्मांस कार्य कर्तव्य असेल तरी श्रीमत राजश्री राऊजीस विनति करोन कांही खर्चास व कोण्ही इतबारी पाठविजे कार्य करणें जर चित्तांत कर्तव्य नसेल तरी तैसेंच उत्तर पाठविजे लोभ असो दीजे यमाजी जासूद जोडी एक पाठिवला यासी अजुरा रुपये २२. त्यापैकीं रुपये ५ पांच आपण दिल्हे. बाकी रुपये १७ आपण दीजे हे विनंति.