श्री.
पौष पु।। ९ शके १७१५ शुक्रवार ता. १० जानेवारी १७९४.

श्रीमंत रावसाहेब यांस मामुली हवाल्याचें पत्र.

श्री.
पौष शु। ९ शके १७१५ शुक्रवार ता. १० जानेवारी १७९४.

विनंती विज्ञापना. दौलाचे बोलण्यांत आलें कीं राजश्री परशरामपंत भाऊ यांचे चिरंजीव रामचंद्रपंत फौजसुधां कोल्हापुर प्रांतीं येके मातबर गढीस लागोन लडाई करून गढी व गांव घेतला. फौज लुटावयास गुंतली. आपण जातीनें सेंदोनसें स्वार सुधां गांवापासोन येक कोसाचे फांसल्यावर उभे होते. हे बातमी कोल्हापुरकरास समजताच त्याचे लोक हजार पांचसे येऊन रामचंद्रपंत यांस धरून घेऊन गेले. याप्रा। वर्तमान लिहिलें आलें.

दोन घटिका प्रथम दिवसां नवाब जनान्याचे बंदोबस्तानसीं स्वार होऊन शिकारीस गेले. येक हरणाची शिकार करुन दोन प्रहराचे अमलांत डे-यास आले. फौजदारखानाचा माणुस उसाचे मळ्यांत जाऊन ऊंस मोडले. गांवकरी यांनी त्यांस धरुन देषढीवर आणिलें. त्या माणसास बरतरफ करावयाचा हुकुम जाला.रात्रीं च्यार घटिकेस खिलवतीमधें नवाब बरामद जाले, सरबुलदंजंग व घांसीमिया व हिसामुदौला वगैरे इसमांचा सलाम जाला. सहा घटिकेस बरखास जालें. छ. २६ रोज सोमवारीं प्रातःकालीं नबाब जनान्यासुधां शिकारीस निघोन पागावाले यांस हुकुम बाडयाबाहेर शिकारीचा, त्याप्रा तेही बाहेर हजर जाले, दोन हरणांची शिकार करून दीड प्रहरास डे-यास आले. रघोत्तमराव यांनीं पुण्याहुन सोळा उंट बंदुखी पाठविल्या त्या गुजरल्या. रात्री दौलाची अर्जी व हिंदुस्थानची अखबार गुजरली. छ. २७ रोज मंगळवारीं दोन घटिकां दिवसां नबाब जनान्यासहित स्वार होऊन शिकारीस गेले. दोन प्रहरास डे-यास आले. रात्रीं दौलाची अजीं गुजरली, च्यार घटकेस खिलवतींमधें नवाब बरामद जाले, सरबुलंदजंग व घांसीमियां वगैरे इसमाचा सलाम जाला. येक प्रहरास बरखास जाले. छ. २८ रोज बुधवारीं दोन घटिकां दिवसां नवाब स्वार होऊन शिकारीस गेले. चित्ते सोडुन दोन हरणांची शिकार केली. दोन प्रहराचे अमलांत डे-यास आले. सिदी अबदुला यांजकडे गंजीकोट्यास तीनसें स्वार रवाना जाले. रात्रीं खैरसला. छ. २९ रोज गुरुवारीं दोन घटिका प्रथम दिवसां नवाब स्वार होऊन आंबईमधे गेले. तेथे भोजन जालें. दोन प्रहरीस डे-यास आले. रात्रीं दोन घटिकेस नवाब बंदोबस्तानें दौलाचेथें आले. दौला व मीर आलम वं पगावाळे व मुनपी व रायेरीया यांचा सलाम जाला. दिवाणखान्यामध्यें बरामद जाले. अजमखान पागावाले याचा भाऊ कमरुसाहेब ह्मणोन होता त्याचा वाका जाला. सबब मातमपुरसी अजमखान यास च्यार पारचे करचोबी, दिल्हे. दौला व मीर आलम यांसीं खिलवत होऊन साहा घटिकेस बरखास जाले रात्रीं लस्करांत चोंरीने जोरावरजंग याचे घोड्याचा कंडापटा वे दिलदारखानाचेथील दुषाला गेली. अर्ज जाला. छ. ३० रोज शुक्रवारीं दोन घटिकां दिवसां नवाब बंदोबस्तानें शिकारीस गेले. परिंदाची शिकार करून दीड प्रहरास माघारे आले. माहबतजंग याची अर्जी व दोन बंदग्या दालिबें गुजरलीं. दौलांनी मालेगावींहुन उंट व सवदागरी आणिले ते पाहिले. रात्रीं दोन घटिकेस नवाब दौलाचेथें आले. दौला व मीर आलम व पागावाले वगैरे लोकांचा सलाम जाला, दौला व मीर आलम यांसीं खिलवत जाली. साहुका-यांत किले बेदर येथें दरवडा पडोन जमनादास व मोतीराम यांची मालियत गेली, याचा अर्ज जाला, येक प्रहरास नवाब आपले मकानास गेले. छ. १ जाखर मंदवारीं दोन घटिकां दिवसां नवाब स्वार होऊन शिकारीस गेले. पागावाले यांनी बाडाबाहेर शिकार करून येक लांडगा धरून गुजराणिला. दोनप्रहराचे अमलांत डे-यास आले. औरंगाबाद येथील सुभेदाराची अर्जी व दालिंबे आलीं तीं गुजरलीं, र॥ छ. २ माहे जाखर हे विज्ञापना.

छ. ७ जाखरीं डांकेवर.