[२१७]                                                                               श्री.                                                                    १७ आक्टोबर १७९५.

विनंति विज्ञापना. घनपु-याचा किल्ला मीर इमाम यानें पेशजी घेऊन शिंबंदी ठेविली होती. असदअल्लीखान त्या किल्ल्यास जमीयतसुद्धां लागून घनपु-याचा किल्ला घेतला. रुकमारड्डी व रामरड्डी वगैरे चार जमादार कोसगी, कांडगल, तांडूर वगैरे महालचे, यास कौल देऊन असद अल्लीखान याणीं आणिलें. त्याजला कैद करून खान, मजकूर जमीदारांस समागमें घेऊन हजार स्वारसुद्धा निघोन हैदराबादेस छ १ र।।खरीं आले. नवाबाची मुलाजमत झाली. जमीदार हस्तगत केले. यावरून असद अल्लीखान याजवर मर्जी संतोष झाली. मुलाजमतीचे समयीं कंठी व सरपेंच इनायत केला, असद अल्लीखान यास जमीयतसुद्धां अलीज्याह यांचे ताकुबावर रवाना करावें याचाही विचार होत आहे. होईल त्याची विनंति लिहिण्यांत येईल. र।। छ ३ माहे र।।खर. हे विज्ञापना.