[१४४]                                                                               श्री.                                                                  ३१ आगष्ट १७९५.                                  
विनंति विज्ञापना. रायराया रेणूराव धोंडाजी याजकडे करडखोप तालूका नवाबाकडून जमीयतीचे सरंजामांत, होता. तेथें याजकडून आमीलापाशीं पन्नास साठ घोडीं बारगीर व शिबंदी प्यादे होते. पैकीं तीस बारगीर घोडीसुद्धां जमातदार पेशजी अलीजाहा याजकडे जाऊन मिळाला, याची विनंति लिहिण्यांत आलीच आहे. हल्लीं अलीजाहाकडील जमीयत करडखेापास जाऊन जमीदाराचे फितुरानें करडरोष घेतलें. वर्तमान नवाबाकडे व रायाजीस आलें. निळंग, निटूर, हुलसूर, लोहारेंपर्यंत अलीजाहा याजकडील ठाणीं बसलीं. याप्रमाणें वर्तमानें आलीं व येतात. र।। छ १५ माहे सफर. हे विज्ञापना.