[१०७]                                                                               श्री.                                                                  ९ आगस्ट १७९५.                                 

विनंति विज्ञापना. अदवानी, रायचूर वगैरे त।। महाबतजंग यांजकडील याचा बंदोबस्त नबाबांनीं तालुक्याचें काम व्यंकटराव सुरापूरकर यांजकडे सांगून रायचूर येथें महाबतजंगाचा पुत्र गुलाम हुसेन याजला ठेविलें. सांप्रत या गडबडीचे दिवसांत महाबतजंगाचे मुलापाशीं कारभारी यांणीं व्यंकटराव याजकडील ठाणीं उठवून तालुक्यासुद्धां आपली शिबंदी ठेवून बंदोबस्त केला. याप्रों। वर्तमान ऐकण्यांत आलें. तहकीक मारून मागाहून लिहीन. र॥ छ २३ मोहरम. हे विज्ञापना.