[१५८]                                                                               श्री.                                                                  १३ सप्टेंबर १७९५.                                 
श्रीमंत राजश्री रावसाहेब स्वामीचे सेवेसी :-
विनंति सेवक गोविंदराव कृष्ण कृतानेक साष्टांग नमस्कार विनंति विज्ञापना त।। छ २८ माहे सफरपर्यंत मु।। भागानगर येथें स्वामीचे कृपावलोकनेकरून सेवकाचें वर्तमान यथास्थित असे. विशेष. इकडील वर्तमान पेशजीं पत्राची रवानगी डाकेवर केली त्यावरून ध्यानास आलें असेल. सांप्रत येथील वर्तमानाची विनंति अलाहिदा पुरवणी पत्रीं लिहिली आहे. अवलोकनें मजकूर ध्यानांत येईल. उत्तरें रवाना व्हावयास आज्ञा करणार स्वामी समर्थ. सेवेसी श्रुत होय. हे विज्ञापना.