श्री.

लेखांक ११७.

१६९७ मार्गशीर्ष वद्य ६.

पुाा राजश्री लक्ष्मण आप्पाजी गोसावी यांसि:-
सुाा सीत सबैन मया व अलफ. शहर सुरत येथील चौथाईचा अंमल सरकारचा येणें तो सुरतकर मोगल सुरळीत देत नाहींत. दिक्कत करितात. वाजबी चौथाईचे आकारपैकीं चौथाई ऐवज देऊन भरकबज सरकारचे कमाविसदारापासीं मागतात. ऐशास, सरकारांत वोडीचा प्रसंग ! हरकसेंहि च्यार रुपये घेऊन चालावें. त्यास, वाजबीचेच अमलास दिक्कत पडते. येविसीं जनरलास अलाहिदा पत्र लिहिलें आहे. तरी हें सविस्तर अर्थ तुह्मीं त्यासी बोलोन मोगलास व गंभीरास जनरालाचीं ताकीदपत्रें पाठवावीं कीं, वाजवी चौथाईचा ऐवज देत जावा. दिक्कत न करावी. याप्रों पत्रें सत्वर घेऊन पाठवणें. जाणिजे. छ १९ सवाल.

(लेखनावधि:)