लेखांक ७६.
श्री.
१६७२ आश्र्विन शुध्द ९.
राजमान्य राजश्री श्रीनिवास पंडित प्रतिनिधी यांसी आज्ञा केली ऐसीजे. तुम्ही विनंति केली की, पूर्वीपासून सरंजाम व वतने व इनामगांव व जमिनी चालत आहेत त्यास भोगवटियास पत्रे करून देऊन चालविले पाहिजे म्हणोन. त्याजवरून मनास आणितां तुम्ही वंशज सेवा एकनिष्ठेने करीत आला. त्याप्रमाणे चालवणे आवश्यक जाणून, स्वामी कृपाळू होऊन, पूर्वीपासून वतन व इनामगांव व जमिनी चालत आहेत. त्याप्रमाणे करार असेत. तुम्ही वंशपरंपरेने अनुभवून सुखरूप राहणे. व सरंजाम प्रतिनिधिपदासंमंधे आहे, त्यास फौजेचा व हुजूरचे नेमणुकीचा खर्च करून सेवानिष्ठेने करीत जाणे. जाणिजे. छ ७ जिल्काद, सु।। इहिदे खमसैन मया व अलफ. लिहिल्याप्रमाणे करणे. सुज्ञ असा.