बोध्यरुपि नारायण ।। स्वयें अवतरला आपण ॥
जो साक्षांत परब्रह्म ॥ युगप्रमाण विंदाण केलें ॥ ३७ ॥
ऐसे हे अवतार जाले ।। ते समुळ सांगितले ।।
सविस्तरि बोलिले ॥ अनवयुक्त ।। ३८ ॥
पुढे कल्की दाहावा ।। अवतार घेणे लागले देवा ।।
तयाचा जन्म बरवा ॥ त्याणे निवाडा करावा पापपुण्याचा ॥ ३९ ॥
ते कथा अद्यपि विलंब ।। भविष्यें कथिले व्यासें प्रतिबिंब ।।
ते सांगतां ग्रंथि पाल्हाळ प्रसिद्ध ।। अनेक संमति बोलिले आहेत ॥४०॥
नाना शास्त्रें वेवादती ॥ पुराणसंमति वित्पती ।।
व्यास वक्ता पुण्यमूर्ती ॥ ग्रंथरचना केली असे ॥ ४१ ।।
प्रथमऋषि पार्वतिमुनी ॥ तेथोनि उत्पति ऋषिलागुनी ।।
तया पासोन ईशानजयो महाज्ञानी ।। जन्मला जाणा ।। ४२ ॥
ईशानजयोचा महाऋषी ।। उत्पती जाली तयासी ।।
तया पासाव अंबऋषी ।। जो शृष्टि माजी समर्थ ॥ ४३ ॥
अंबऋषिपासोनि ।। जन्मला कश्यप महामुनी ।।
जो सर्वज्ञ अपरोक्षज्ञानी ।। रचना मेदनी जयाची ।। ४४ ॥
त्या पासोन जन्म सर्वांसी ।। पुराणि प्रसिद्ध बोलिले रुषी ।।
तेरा राणियां जयासी ॥ तयां पासोन उत्पन्नता जाली ॥ ४५ ॥
त्या राणिया कवणकवण ।। श्रोतें ऐका चित्त देऊन ॥
भविष्योत्तरिचें निरोपण ।। उत्पती समुळ सांगितली ।। ४६ ॥

१ अदिती                     २ द्दिती                     ३ कद्रु
४ वैनता                      ५ सुतळिका               ६ सोमप्रभा
७ रूपप्रभा                   ८ कुंडळिका              ९ ब्रह्मदंडा
१० कंजनी                  ११ पद्मावती              १२ कनकप्रभा
                                १३ दळणिका