रविसोमांडयुगलं न्यस्तं मेरुमहीरुहे ॥
पिधाय धनकक्षाभ्यां पक्षिणी द्यौ र्विराजते ॥१५१॥
विलोक्य सलिलस्नातां धनकोशां दिगंगनां ॥
रविचंद्रात्मिका दृष्टि रनंतेन निमीलिता ॥१५२॥

एवं कर्दमदुर्दिनादिभि श्चिराय प्रावृषा कलुषीकृतेमी भुवनतलेषु राजहंसविधुरेव सत्पथे भगवदंबुजदलविशालनयन: कुपित: स्यादितिभियेव मध्यमलोकप्रसादनाय शरदुपससाद ॥
तथाहि ।
घनमक्षिक मुध्दूय यदगृह्णात् पयोमधु ॥
अत एवामृतकर: शरदिंदु: प्रतीयते ॥१५३॥
रविचक्रेण निर्मिद्य मदिरं महिषासुरं ॥
शरन्नारमणीचक्रे विमलं भुवनत्रयं ॥१५४॥
शरच्चंद्राननां दृष्टवा प्रोत्फुल्लकमलेक्षणां ॥
रवि र्विरहसंतप्तो विजहाति घनांशुकं ॥१५५॥
वर्षाकालकिरातेन पातिते घनजालके ॥
शरत्समयविप्रेण पतंग: खे विमोचित: ॥१५६॥
लक्ष्मणालंकृतेनाशु रामचंद्रेण शारद: ॥
अलंकावार्सकर्त्तासौ मेघनाद: प्रशाम्यते ॥१५७॥
विशिरा श्चिच्छेद धाराभि र्भुव: प्रावृट्चिकित्सकी ॥
अत एव शरन्नद्य: सद्य: शुध्दत्व माप्नुवन् ॥१५८॥
क्षणान्मायाविनानेन कुपथे पातितो जन: ॥
ययौ प्रशासितुं पंक मित्यभ्रशिबिरादित: ॥१५९॥
इंदुवक्त्र मरविंदलोचनं स्वच्छरूप ममलांबरावृतं ॥
योषितां शतमिवावलोक्यते चारुहंसकरुतं शरच्छते ॥१६०॥

एवं शरदासादिते मेदिनीमंडले नितांतशीतवेपिताया: प्रियाया: स्वयंग्रहपरिरंभणेन नंदनंदनस्यानंदमुदंचयत्पंचेषुरिव हेमंतसमय: प्रावर्त्तत ॥