जयराम पिंड्येकृत                                                                                                                                                                      
राधामाधव विलासचंपू : ऊर्फ शहाजी महाराज चरित्र

॥श्रीगणेशाय नम:॥

वासो हृत्वा दिनकरसुतासन्निधौ बल्लवीनां
लीलास्मेरो जयति ललित + + स्थित: कुंदशाखाम् ॥
सव्रीडाभि स्तदनु वसने ताभि रम्यर्थ्यमाने
कामी कश्चित् करकमलयो रंजलीं याच + + ॥
राधामाधवलीलाख्यचंप्वा विद्वज्जनाश्रया ।
व्याख्या रंगार्यपुत्रेण क्रियते शेषसूरिणा ॥
अथ तत्रभवान् जयरामनामा महाकवि:
धर्मार्थकाममोक्षेषु वै चक्षण्यं कलासु च ।
करोति कीर्ति प्रीतिं च साधुकाव्यनिबंधनं ॥इति॥
आख्यातनामरचनाचतुरस्रसंधि
सध्दात्वलंकृतिगुणं सरसं सुवृत्तं ॥
आसेदुषा मपि दिवं कविपुंगवानां
तिष्ठत्यखंड मिह काव्यमयं शरीरम् ॥
इद मंधतम: कृत्स्नं जायेत भुवनत्रयं ।
यदि काव्याव्हयं ज्योति रासंसारान्न दीप्यते ॥
नियतिकृतनियमरहितां हाह्लाकमयी मनन्यपरतंत्रां ।
नवरसरुचिरां निर्मिति मादधती भारती कवे र्जयति ॥
काव्यं यशसेऽर्थकृते व्यवहारविदे शिवेतरक्षतये ।
सद्य:परनिर्वृतये कांतासम्मिततयोपदेशयुजे ॥
कतिपयनिमेपवर्त्तिनि जन्मजरामरणविव्हले जगति ।
कल्पांतकोटिबंधु: स्फुरति कवीनां यश:सिंधु: ॥