[ २६ ]                                                                                          २४ सप्तबर १६७१

मशहुरल हजरत राजश्री तुकोराम सुबेदार व कारकून सुबे मामले प्रभावळी प्रति राजश्री शिवाजीराजे दंडवत. शहुरसन इसन्ने सबैन व अलफ मामले दाभोळ विलायतीस नारेळ दर सद्दे लारी ४ व रोठादेखील जकात दर खंडीस लारी १२५ सवाशेंप्रमाणे विकत आहे आणि नेवरे बाजे तुह्माकडील माहालीं ऐन जिन्नस बटाई दिवाणांत उसूल देताती. व रयत वासा खरीदी करितात. ऐसें असतां, कमनिर्खे नारेळ सुपारी विकते, ऐसी खबर कळों आली आहे. तरी हा अंमल कैसा आहे ? ऐन जिनसांची गीर्दवरी कैसी करता ? आणि कमनिर्खे कोण विकितात ? हे खबर घेणें आणि ताकीद करणें. पेस्तर ऐसे नव्हे ऐन जिनसाची गीर्दवरी बरी व्हो. आणि जो तह तुह्मांकडे आहे ( त्या निर्खे विर्की कर ) णें कम निर्खे विकिलिया इकडे धक्का बसतो आणि अलग नुकसान येऊ पाहातें त्याची बदनामी तुह्मांस, ऐसें जाणून, खरी खबर घेऊन, चौकशी व गीर्दवरी करुन, ऐन जिन्नस तहप्रमाणेंच दिवाणांतून विकीत जाणे. छ ३०, जमादिलावल.