[ १५३ ]                                        श्री.                                          १५ आक्टोबर १७३७.
                                              

यादी. राजश्री भगवंतराव अमात्य हुकुमतपन्हा याजकडील बोली येणेंप्रमाणें करार. सुहूर सनं समान सलासीन मया अलफ, माहे रजबः-
बाबतीचा वसूल हुजूर सालमजकुरीं जाहला आहे. तो तुह्मीं हुजूर ऐवज द्यावया केला आहे. 
यांत मजुरा देऊ. वरकड राहिला ऐवज हुजूरचा  तुह्मीं ठेवा जिल्हेबाबतचा मामला पूर्ववत् 
चालत आहे. त्याप्रमाणें तुमचा तुह्मांस करार.   कलम १.

तुमच्या इजतीमाफक समयानरूप बहुमान करूं. कलम १.

अळते, रुकडी येथील बाबती व मौजे हातकणंगलें हें द्यावे ह्मटलें, 
तर तुह्मीं  धणी, अर्जवून घेऊन संतोषी केल्यावर स्वामी कृपाळू 
होऊन देतील.                                             कलम १..

पूर्ववत् तुमची खेडीं व वतनें आहेत. त्यास सावगांव खेरीजकरून तुमचीं
तुह्मांस करार केलीं असत.                           कलम १..
मजमूचा हुद्दा तुमचा तुह्मांस
करार                                                        कलम १.
तुमचे कारकून व चाकर
जिल्हेनिसबत व बाजे जे असतील ते
तुमच्या ताबिनात करूं                                 कलम १.

तुमच्या चाकरापासून कतबे घेतले आहेत
कीं, तुह्मांकडे चाकरीस जाऊं नये. त्यास
ते कतबे तुमचे तुह्मांस देऊं. चाकर
ताबिनांत करावे.                                        कलम १.

येणेंप्रमाणें सात कलमें करार केलीं आहेत. यांत कांही लढा नाहीं. याप्रमाणें स्वामी चालवितील. तुह्मीं दिन प्रतिदिनीं अकृत्रिम मनोभावे एकनिष्ठेनें सेवा करावी. स्वामी कृपाळू होऊन तुमचे दिनप्रतिदिनीं उर्जित करितील तुह्मीं निष्ठेनें सेवा करून स्वामीस संतोषवावें सर्व प्रकारें स्वामी चालवितील छ १ रजब.
                                                                                    लेखनसीमा.