सदर तिन्हीं अखबारांचा अनुक्रमें मराठींत अनुवाद. * (१) युरोपांत प्रेंचांबरोबर झालेल्या लढाईच्या हकीगतींतील एका उता-याचा तरजुमा.

ई. स १७९३ च्या मार्च महिन्याच्या पहिले तारखेस ह्मणजे हिजरी सन १२०७ च्या रजबरच्या १७ वीला जर्मनीचा बादशहा मसाम अलअन हून व प्रशिआचा राजा यांनीं आपल्या सैन्याच्या तीन टोळ्यां करून, नरुर नांवाची नदी रातोरात ओलांडून, तोफखाने व खंदक यांनीं सुरक्षीत जागा घेऊन बसलेल्या फ्रेंच लोकावर तीन बाजूंनीं हल्ला केला. फ्रेंच सैन्याचा त्या हल्यामुळें टिकाव लागेना व त्यामुळें ते पळून गेले. बारा मोठ्या तोफा, तेरा पाटरी व लष्करी खजीना इतकी लूट त्यास मिळाली. १२०० फ्रेंच लोक जाया व जखमी झाले आणि ६०० कैदी हातास आले. जर्मनांपैकीं १० मेले व ४ जखमी झाले. प्रशिअनांची संख्याही तितकीच होती. त्याच दिवशीं सुमारें तीन प्रहरचे सुमारास चार्लस नांवाच्या इंग्रज राजपुत्रानें तोंडावरील टोळीवरोबर घेऊन, लढाईला तयार असलेल्या कांहीं प्रेच तोफ खान्यावर हल्ला करून ९ तोफा हस्तगत केल्या. कांहीं पेंच लोक मारले गेले. ४०० कैद केले गेले व बरेच जखमी झाले. त्याच महिन्याच्या दुसरे तारखेस हें विजयी सैन्य व बादशहाचें सैन्यांनीं मिळून सियासभेलच्या किल्यापावेतों फ्रेंचांचा पाठलांग केला. हा किल्ला फार मोठा व मजबुत आहे व तेथें फ्रेंचांचे ६००० लढाऊ लष्कर आहे. त्याजवर त्यांनीं हल्ला करून ७००