[३९]                                                                               श्री.                                                                           ३ जुलै १७९५.

विनंति विज्ञापना. येथें धारण फार महाग झाली आहे. जोरी पांच शेर, गहूं चार शेर, तांदूळ तीन शेर याप्रमाणें निरख. परंतु बाजारांत गल्ला घेऊं गेल्यास मिळत नाहीं. चहूंकडील गल्ला येथें येण्याची आमदनी बंद झाली. रस्ते तमाम बंद. वाटा चालत नाहींत. जमीदार वगैरे चोहोंकडे हंगामा. वाटसरू निभावून येणें कठीण. तेव्हां गल्ला आणि बेपारी येणें कोठून ? महागाईचा कडाका आहे. याहून पुढें धारण कशी होती, दाणा मिळणें मुष्कील, अशी अवस्था. यामुळें शहरांतील लोक फारच हवालदील झाले आहेत. घटकेंत एक भाव धारणीचा वेगळाच होत आहे. र।। छ १५ जिल्हेज. हे विज्ञापना.