लेखाक ३१
श्री १६५१ आषाढ वद्य ५

तालीक

स्वस्ति श्री राज्याभिषेकशके ५६ सौम्यनामसवत्छरे आशाढबहुलपचमी भृगुवार क्षत्रियकुलावतस श्री राजाशभुछत्रपती स्वामी याणी समस्तराजकार्यधुरधर विश्वासनिधी राजमान्य राजश्री कान्होजी आगरे सरखेल यासी आज्ञा केली ऐसी जे राजश्री शाहू राजे दाजी रागण्याखाले चिकवाडीस आले ते समई कितेक गड किले त्यास हस्तगत होऊन सपूर्ण राज्यात फितवा जाहाला तन्मुले राजश्री गणोवानायक सरदेशाई मामले प्रभानवली व मामले दाभोल यासी भेटावे लागले विसाजीनाईक हुजूर होते ते हि शिधुदुर्गास स्वारी जाली तेव्हा मागाहून न पुसत गेले या करिता त्या वरी इतराजी जाली ते प्रसगी राजश्री रामचद्र पडीत हुकमतपन्हा होते त्याणी राजश्री शिवाजी राजे दाजी या जवल विनती केली की त्याचा दायाज कानोवानाईक आहे त्यास वतनाची पत्रे करून द्यावी ह्मणजे गणोवानाईक यासी आपल्या वतनाची पत्रे दुसरियासी दिल्ही ऐसे भय निर्माण होऊन स्वामीच्या पायासी सादर होऊन निष्टेने वर्ततील ऐसे विदित केले त्या वरून कानोवानाईकास पत्र करून दिल्हे होते परतु त्यास वतनाशी अधिकार नाही. त्या मुले त्याचा भोगवटा जाला नाही त्या उपरि विशालगडचे मुकामी खरनामसवत्छरी गणोवानाईक याणी राजश्री शिवाजी राजे दाजी याचे दर्शन घेतले ते नाईक मशारनिले वर कृपालु होऊन सदरहू पत्र कानोवानाईकास दिल्हे होते ते रद करून गणोवानाईक याचे वतन यासी सुरलीत करून देऊन पत्रे दिल्ही गणोवानाईक याणी बहुत निष्टेने वर्तोन वतनीधदा चालऊन शेवा केली त्या प्रमाणे त्याचे बधु राजश्री अतोवानाईक स्वामीच्या पायासी निष्टेने वर्तत आहेत ऐशास कानोवानायक या पासी पेसजीचे पत्र होते ते तुह्मास दाखऊन याचे वतनाची कथला आरभिला आहे ह्मणऊन विदित जाले तरी पूर्वापार वतनाचे खावद गणोवानाईक कानोवानाइकास वतनासी दरकार नाही त्यासी एक निमित्ये पत्र दिल्हे होते की गणोवानाईक यासि भय निर्माण व्हावे त्या वरी गणोवानाईक दर्शनास आल्या नतर कानोवानाईक यास दिल्हे पत्र रद केले असता त्या पत्रा वरून त्यास याच्या वतनासी कथला करावयासी गर(ज) नाही या करिता तुह्मी कानोवानाईकास ताकीद करून याच्या वतनासी कथला न करीत ते गोष्ट करणे गणोवानाईक याचे बधु राजश्री दादोवानाईक व अतोवानाईक व पुत्र राजश्री प्रल्हादनाईक व केशवनाईक सरदेशाई पूर्वापार वतनदार एकनिष्ट आहेत याचे वतन यास सुरलीत चालवणे जाणिजे बहुत काय लिहिणे तरी तुह्मी सुज्ञ असा